وزیراعلیٰ خیبرپختونخوا محمود خان نے کہا ہے کہ دوسرے مرحلے میں بلدیاتی الیکشن ہر صورت جیتنا ہے۔

محمود خان نے ورکر کنونشن سے خطاب کرتے ہوئے کہا کہ میں بھی تحریک انصاف کا ورکر اور عمران خان کا سپاہی ہوں۔

انہوں نے کہا کہ میں واٹر سپلائی اسکیم بائی پاس میڈیکل کالج اور اسپتال جیسے میگا پروجیکٹس پر کام ہورہا ہے۔ ورکرز کی مشاورت سے فیصلے کہے جائیں گے۔

محمود خان نے کہا کہ دوسرے مرحلے میں بلدیاتی الیکشن ہر صورت جیتنا ہے، تمام لوگ ذاتی چپقلش چھوڑ کر اتفاق کے ساتھ ہم سب نے عمران خان کا ساتھ دینا ہے۔

وزیراعلیٰ محمود خان نے مزید کہا کہ شہریوں کو سہولت فراہم کرنے کے تمام منصوبے ذیلی تنظیموں کے ذریعے کئے جائیں گے۔

چند روز قبل ہی پیپلز پارٹی کے مرکزی رہنما سید خورشید احمد شاہ نے سکھر میں بول نیوزسے خصوصی بات چیت کرتے ہوئے کہا تھا کہ کے پی کے میں بلدیاتی الیکشن کے دوسرے راؤنڈ میں پی ٹی آئی کا وہاں سے  مکمل صفایا ہو جائے گا۔

انہوں نے کہاکہ کے اب وہ لوگ افسوس کا اظہار کررہے ہیں جنہوں نے پی ٹی آئی بنائی، عمران خان کے پرانے ساتھی کہتے ہیں کہ ہمیں معلوم نہیں تھا کہ یہ شخص ملک کو اتنی مشکل میں ڈال دے گا۔

پی پی رہنما نے کہا تھاکہ پی ٹی آئی کے رہنما پریشان ہیں وہ عمران خان کومشورہ دے رہے ہیں کہ پنجاب اور سندھ میں بلدیاتی انتخابات نہ کراؤ۔

ان کا کہنا تھا کہ ہم ہرصوبے میں الیکشن کا مرکز ضرور بنائیں گے،  لوگوں کی جو غلط فہمیاں ہیں وہ  دور کی جائیں گی، عوام یہ دیکھتے ہیں کہ کس حکومت نے ملکی معیشت کو بہتر کیا۔