بلاول بھٹوزرداری کا کہنا ہےکہ پاکستان غریب تر ہو گیا لیکن عمران خان امیر تر ہے۔

پاکستان پیپلز پارٹی کے چئیرمین بلاول بھٹو زرداری نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ اقتدار حاصل کرنے کے بعد عمران خان کی آمدنی 50 گنا سے زیادہ بڑھ گئی۔

انہوں نے کہاکہ ای سی پی کی رپورٹ جو پی ٹی آئی کی غیر ملکی فنڈنگ ​​کو ثابت کرتی ہے، نا صرف پارٹی کی کرپشن بلکہ ان کی منافقت کو بے نقاب کرتی ہے۔

پی پی چئیرمین کا کہنا ہےکہ اس کے ساتھ ہی ٹیکس ریکارڈ عمران خان پی ٹی آئی کو ظاہر کرتا ہے۔

Advertisement

ECP report proving PTI foreign funding is a damning inditement not only of the party’s corruption but exposes their hypocrisy. Simultaneously tax records reveal @ImranKhanPTI income increased more than 50 times since gaining power. Pakistan has become poorer but Imran is richer.

— BilawalBhuttoZardari (@BBhuttoZardari) January 5, 2022

بلاول بھٹو زرداری نے مزید کہاکہ اقتدار حاصل کرنے کے بعد آمدنی 50 گنا سے زیادہ بڑھ گئی، پاکستان غریب تر ہو گیا ہے لیکن عمران امیر تر ہے۔

وزیراعظم کا پی ٹی آئی کی فنڈنگ ​​کی جانچ پڑتال کا خیرمقدم

دوسری جانب وزیراعظم نے الیکشن کمیشن کی جانب سے سمندر پار پاکستانیوں کے عطیات کے ذریعے پی ٹی آئی کی فنڈنگ ​​کی جانچ پڑتال کا خیرمقدم کیا ہے۔

وزیراعظم عمران خان نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ ہمارے اکاؤنٹس کی جتنی زیادہ جانچ پڑتال کی جائے گی، قوم کے لیے اتنے ہی حقائق کی وضاحت سامنے آئے گی ۔

انہوں نے کہا کہ اس جانچ پڑتال سے پتہ چل جائے گا کہ پی ٹی آئی واحد سیاسی جماعت ہے جس کی بنیاد مناسب سیاسی فنڈ ریزنگ پر مبنی ہے۔

وزیراعظم نے اپنی ایک اور ٹوئٹ میں مزید کہاکہ میں دو دیگر بڑی سیاسی جماعتوں پاکستان پیپلز پارٹی اور مسلم لیگ ن کی فنڈنگ ​​پر الیکشن کمیشن کی اسی طرح کی جانچ پڑتال کا منتظر ہوں۔

وزیراعظم عمران خان نے مزید کہاکہ اس جانچ پڑتال سے قوم کو مناسب پول فنڈ ریزنگ، کرونی سرمایہ داروں اور ذاتی مفادات سے قومی قیمت پر احسانات کے بدلے پیسے کی بھتہ خوری کے درمیان فرق دیکھنے کی اجازت ملے گی۔