کورونا وائرس کے پھیلاؤ کے پیش نظر محکمہ داخلہ بلوچستان نے ایڈوائزری جاری کردی۔

محکمہ داخلہ بلوچستان کی جانب سے جاری کردہ نوٹی فکیشن کے مطابق کورونا کے پیش نظر انڈور تقریبات میں 3 سوجبکہ آوٹ ڈور میں پانچ سو سے زائد لوگ شریک نہیں ہونگے۔

 محکمہ داخلہ کے مطابق پبلک ٹرانسپورٹ میں 70 فیصد سے زائد افراد سفر نہیں کرسکیں گے، ٹرینوں میں کورونا ویکسین کارڈ کے ہمراہ 80 فیصد افراد کو سفر کرنے کی اجازت ہوگی۔

نوٹی فکیشن میں کہا گیا ہےکہ جم خانے،سینما،پارکس اور مزارات پر ویکسنیٹیٹ افراد ہی داخل ہوسکتے ہیں۔

ذرائع کے مطابق محکمہ داخلہ بلوچستان کے اعلامیے کا اطلاق 31 جنوری تک ہوگا۔

کورونا کے وار جاری، پہلی بار 7 ہزار سے زائد کیسز ریکارڈ

ملک میں کورونا سے اموات کا سلسلہ تھم نہ سکا، گزشتہ 24 گھنٹوں کے دوران مزید 23 افراد جاں بحق ہو گئے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران
پاکستان میں کورونا سے مجموعی اموات کی تعداد 29 ہزار 65 ہو گئی ہے۔

این سی او سی کے مطابق ایکٹیو کیسز کی تعداد 57 ہزار 935 ہے۔

ملک بھرمیں 13 لاکھ 53 ہزار 479 افراد کورونا سے متاثر ہوئے، 12 لاکھ 66 ہزار 479 صحت یاب ہو چکے ہیں۔

این سی او سی کے اعداد و شمار کے مطابق 7 ہزار 678 نئے مریض سامنے آئے ہیں، پاکستان میں کورونا مثبت کیسز کی شرح 12.93 ریکارڈ کی گئی۔

کورونا کیسز کی سب سے زیادہ تعداد صوبہ سندھ میں 5 لاکھ 16 ہزار 874 ،پنجاب 4 لاکھ 58 ہزار 879 ، خیبر پختونخوا ایک لاکھ 83 ہزار 403، بلوچستان میں 33 ہزار 812 کیسز رپورٹ ہوئے۔ اسلام آباد میں ایک لاکھ 15 ہزار 47، گلگت بلتستان میں 10 ہزار 467 کیسز جبکہ آزاد کشمیر میں کورونا مریضوں کی تعداد 34 ہزار 997 ہو گئی ہے۔

Statistics 21 Jan 22:
Total Tests in Last 24 Hours: 59,343
Positive Cases: 7678

Advertisement

Positivity %: 12.93%
Deaths :23
Patients on Critical Care: 961

— NCOC (@OfficialNcoc) January 21, 2022

ماہرین صحت کی اپیل 

ماہرین صحت کا کہنا ہےکہ روزانہ رپورٹ ہونے والے زیادہ تر کیسز اومیکرون کے ہیں، فروری کے وسط تک یہ لہر اپنے عروج پر ہوگی۔

ماہرین صحت نے اپیل کی ہے کہ شہری ویکسی نیشن کروائیں اور بوسٹر ڈوزلگوائیں۔