میکسیکن کارٹیل کے ایک قاتل نے اپنے حریفوں میں سے ایک کی لاش سے دل نکال کر چبا ڈالا۔

مخالف گینگ کے دیگر ارکان کو وارننگ کے طور پر آن لائن پوسٹ کی گئی خوفناک فوٹیج میں موجود مسخ شدہ لاش سینالووا کارٹیل کے لیے کام کرنے والے گن مین کی بتائی گئی ہے، جس کے سابق رہنما جوکین آرکیوالڈو گوزمین لوئیرا، جنہیں “ایل چاپو” کے نام سے جانا جاتا ہے، امریکی ریاست کولوراڈو میں انتہائی سیکیورٹی والی جیل میں عمر قید کی سزا کاٹ رہے ہیں۔

میکسیکو کے سب سے زیادہ غالب اور خطرناک منشیات کے گروہ کی سربراہی اب اسماعیل “ایل میو” زمباڈا کر رہے ہیں۔

بارڈر لینڈ بیٹ ڈاٹ کام بلاگ پر موجود ویڈیو کی تفصیل ممیں بتایا گیا کہ “میکسیکن انڈر ورلڈ کی ایک نئی ویڈیو ابھی آن لائن منظر عام پر آئی ہے۔ جس میں ایک میو زمباڈا گن مین دوسرے مرنے والے افراد کی لاشوں کے ساتھ زمین پر پڑا ہے۔

“اس کے دھڑ پر گہرے زخم بنے ہیں۔ شبہ ہے کہ ایک بڑے فکسڈ بلیڈ چاقو جسم کے کئی حصوں کو دھڑ سے الگ کرنے کے لیے استعمال کیا گیا ہے۔”

جسم کے ٹکڑے کرنے والے ہٹ مین کے بارے میں خیال کیا جاتا ہے کہ وہ جلسکو نیو جنریشن کارٹیل، یا CJNG کا رکن ہے، جس کا لیڈر، نیمیسیو اوسیگویرا سروینٹس، عرف “ایل مینچو” ہے، یہ شخص میکسیکو میں انتہائی مطلوب ہے۔

اس ویڈیو میں کوئی آواز نہیں ہے۔ اسکرین پر صرف ایک پیغام CJNG  کے ہاتھوں پکڑے جانے والے ہر میو زمباڈا آپریٹیو کی قسمت سے خبردار کرتا ہے۔

ایموجیز کو پہلی تصویر پر احتیاط سے لگایا گیا ہے تاکہ لاشوں کی بے حرمتی کو چھپایا جا سکے۔