جنوبی کوریا کی ٹیکنالوجی جائنٹ سام سنگ نے کنزیومر الیکٹرانکس شو2022 میں پیش کیے جانے والے پراجیکٹ سے پردہ ہٹا دیا ہے۔

سام سنگ کے سی لیوب انکیوبیٹر پراجیکٹس کو دو حصوں سی لیب انسائیڈ اور سی لیب آؤٹ سائیڈ میں تقسیم کیا گیا ہے۔ سام سنگ سی انسائیڈ کا سب سے منفرد اور انوکھا پراجیکٹ ’ زیم اسٹار‘ ہے۔

زیم اسٹار میں کمپنی کے کسٹم گٹار( زیم اسٹرنگ) اور ایپ کے ملاپ سے موسیقاروں کے لیے گٹار سیکھنے والے صارفین کے لیے ایک دلچسپ پراڈکٹ متعارف کرائی جائے گی۔

اس پراجیکٹ کی بدولت اسمارٹ گٹار اور آنلائن جیمنگ پلیٹ فارمز کو ایک دوسرے سے مربوط کیا جاسکے گا۔ استعمال کنندگان ووکل سمیت چار انسٹرومینٹس کو سپورٹ کرنے والے جیمنگ فنکشنز کو کسی بھی وقت ایک ساتھ استعمال کرسکتے ہیں۔ جب کہ جام سیشن میں زیادہ لیئر شامل کرنے کے لیے اضافی ٹریک بھی شامل کیے جاسکتے ہیں۔

 زیم اسٹار میں فریٹ بورڈ جیسے سیکھنے کے اضافی ٹولز بھی دیے گئے ہیں، جس کی پر آپ کو انگلیاں رکھنی ہیں یہ فریٹ بورڈ ان کیز کو روشن کرکے آپ کی راہنمائی کرے گا۔ سام سنگ کی جانب سے اس پراجیکٹ کی مزید تفصیلات ظاہر نہیں کی گئی ہیں۔

سام سنگ سی لیب انکیوبیٹر پراجیکٹس میں مصنوعی ذہانت سے لیس کچھ اور پراجیکٹ بھی پیش کیے جائیں گے جس کی مدد سے بچوں کو اسمارٹ فون کے حوالے سے اچھی عادات بھی سکھائیں جائے گی۔

سام سنگ کی جانب سے کنزیومر شو میں ’ انوویژن ‘ کے نام سے ایک اور پراجیکٹ شامل کیا جائے گا، جو کہ بچوں میں اسمارٹ فون اسکرین کےزیادہ استعمال اور اس کی وجہ سے آنکھوں کو پہچنے والے ممکنہ نقصانات کے  بارے میں والدین کو آگاہ کرے گا۔