کراچی: میرا تھون 2022 کے انعقاد کا فیصلہ، شرکت کے لئے ویکسی نیشن ناگزیر قرار

ویب ڈیسک

26th Jan, 2022. 08:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: میرا تھون 2022 کے انعقاد کا فیصلہ، شرکت کے لئے ویکسی نیشن ناگزیر قرار

کراچی: کمشنر کراچی محمد اقبال میمن کی زیر صدارت اجلاس منعقد ہوا جس میں میرا تھون 2022 کے انعقاد کے حوالے سے فیصلہ کیا گیا۔

میراتھون میں حصہ لینے کے لئے ویکسی نیشن لازمی قرار دی گئی ہے۔

تفصیلات کے مطابق میراتھون کے لئے انتظامیہ نے رجسٹریشن اگلے تین روز میں شروع کرنے کا اعلان کیا ہے۔

میراتھون میں کورونا ایس او پیز پر سختی سے عملدرآمد کا فیصلہ کیا گیا ہے۔ جو کہ خوش آئند ہے۔ میرا تھون 13 فروری کوکراچی میں قائم معین خان اکیڈمی ڈیفنس سے شروع ہو گی، جبکہ اختتام بھی یہیں ہوگا۔

میراتھون میں مرد رنرز کے لئے دس کلومیٹر، خواتین کے لئے ساڑھے چھ کلو میٹر روٹ مقررکیا گیا ہے، ممتاز شخصیات، کھیل کے ہیروز، شہری اور پروفیشنل رنرز حصہ لیں گے۔

کمشنر کراچی اقبال میمن کا کہنا تھا کہ شہری زیادہ سے زیادہ رجسٹریشن کرا کر میراتھون میں بھرپور حصہ لیں، میراتھون کی رجسٹریشن ویب سائٹ اور سوشل میڈیا پر کی جا سکے گی۔

علاوہ ازیں، میراتھون کے انعقاد کو سول سوسائٹی نے سراہتے ہوئے کہا ہے کہ اس طرز کے پروگرامات شہر کا امیج بہتر بنانے میں معاون ثابت ہوتے ہیں۔