شہباز شریف نے کیچ ، بلوچستان میں پاک فوج کے 10 جوانوں کی شہادت پر افسوس کا اظہار کیا ہے۔

مسلم لیگ ن کے صدر اور اپوزیشن لیڈر قومی اسمبلی شہباز شریف نے سوشل میڈیا پر جاری اپنی ٹوئٹ میں کہاکہ بلوچستان میں دہشت گردوں کے حملے میں مسلح افواج کے 10 جوانوں کی شہادت پر دل افسردہ ہے۔

انہوں نے کہاکہ دہشت گردی کی نئی لہر زیادہ مہلک ہے اور ہمارے حاصل کردہ فوائد کو پلٹنا چاہتی ہے۔

Heartbroken at martyrdom of 10 soldiers of armed forces in a terrorist attack in Balochistan. The renewed spate of terrorism is more deadly & seeks to reverse the gains we have made. We stand solidly behind our brave soldiers to root out terrorism & are proud of their sacrifices.

Advertisement

— Shehbaz Sharif (@CMShehbaz) January 28, 2022

شہباز شریف نے مزید کہاکہ ہم دہشت گردی کو جڑ سے اکھاڑ پھینکنے کے لیے اپنے بہادر سپاہیوں کے ساتھ مضبوطی سے کھڑے ہیں اور ان کی قربانیوں پر فخر کرتے ہیں۔

یہ بھی پڑھیں: پاکستان کو ہر قسم کی دہشتگردی سے نجات دلانے کے عزم پر قائم ہیں، وزیراعظم

واضح رہےکہ بلوچستان میں دہشت گردوں نے چیک پوسٹ پر حملہ کردیا جس میں 10 جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بلوچستان کے علاقے کیچ میں دہشت گردوں نے چیک پوسٹ پر حملہ کردیا جس کے نتیجے میں 10 جوان شہید ہوگئے۔

ترجمان پاک فوج کے مطابق فائرنگ کے تبادلے میں ایک دہشت گرد مارا گیا جب کہ کئی زخمی ہوئے۔

آئی ایس پی آر کے مطابق حملہ 25 اور 26 جنوری کی درمیانی شب کیا گیا۔

ترجمان پاک فوج کے مطابق کلیئرنس آپریشن کے دوران 3 دہشت گرد گرفتار کیے گئے، علاقے میں کلیئرنس آپریشن بدستور جاری ہے۔

آئی ایس پی آر نے کہا کہ مسلح افواج دہشتگردوں کے خاتمے کے لیے پر عزم ہیں۔