وزیر محنت خیبر پختونخوا شوکت یوسفزئی نے کہا ہے کہ تھانوں کو بہتر بنانے کیلئے کوشش کر رہے ہیں۔

خیبر پختونخوا اسمبلی میں اسپیکر مشتاق غنی کی زیرِ صدارت ہوا جس میں وزیر محنت خیبر پختونخوا شوکت یوسفزئی نے تھانوں کی چاردیواریاں نہ ہونے کے سوال پر گفتگو کرتے ہوئے کہا کہ تھانوں کو بہتر بنانے کیلئے کوشش کر رہے ہیں۔

انہوں نے کہا کہ ریسورسز کی کمی ہیں، پولیس کو بہتر ماحول دینا چاہئیے، پولیس کی ٹرینگ کر رہے ہیں، آئندہ بجٹ میں اس مسئلے کو ترجیحی بنیادوں پر حل کریں گے، پولیس کے جوان چوبیس چوبیس گھنٹے ڈیوٹی کر رہے ہیں، اس حوالے ریفارمز کر رہے ہیں۔

اجلاس میں اسپیکر مشتاق غنی کا کہنا تھا کہ تھانوں کے باونڈری والز مسئلے کو ترجیحی بنیادوں پر حل کرنا چاہئیے، تھانے کے خستہ حالی کے حوالے سے اسمبلی میں اے این پی کے خوشدل خان نے سوالات جمع کئے تھے۔

دوسری جانب اپوزیشن لیڈر اکرام خان دورانی نے اسمبلی میں گفتگو کرتے ہوئے کہا کہ دہشتگردی بڑھ رہی ہے اور پولیس کام کرنے سے قاصر ہیں، پولیس کے ساتھ سہولیات نہیں، لوگوں کی گاڑیاں چوری ہو رہی ہیں۔

اکرام خان دورانی نے کہا تھا کہ پولیس چوکیوں کی چار دیواریاں نہیں، محافظ خود محفوظ نہیں ہیں، مری سانحہ انتظامیہ کی غفلت کے باعث پیش آیا، حکومت اگر بر وقت اقدامات کرتی تو اس سانحہ سے بچا جا سکتا تھا۔

واضح رہے کہ خیبر پختونخوا اسمبلی میں سانحہ مری میں جاں بحق افراد کے لیے فاتحہ خوانی کی گئی۔