پشاور میں کورونا کی پانچویں لہر کے دوران مثبت کیسز میں ہوشر با اضافہ ہو گیا۔

محکمہ صحت کے پی کے کی جانب سے جاری کردہ اعداوشمار کے مطابق پشاورمیں کور ونا مثبت کیسزکی شرح تقریبا 30 فیصد ہوگئی ہے۔

ذرائع کے مطابق مردان میں 22.73 فیصد ، نوشہرہ میں 17.01، ایبٹ آباد میں12.93 فیصد ، صوابی میں 11.21،بنوں میں 4.76فیصد ریکارڈ کی گئی۔

دوسری جانب کراچی میں کورونا کے مثبت کیسز کی شرح 40 فیصد سے کم ہوکر 27 فیصد پر آگئی۔

محکمہ صحت سندھ  کے مطابق کراچی میں گزشتہ چوبیس گھنٹوں میں مثبت کیسز کی شرح 27.92 فیصد رپورٹ ہوئی۔

ماہرین صحت کی اپیل

ماہرین صحت کا کہنا ہےکہ روزانہ رپورٹ ہونے والے زیادہ تر کیسز اومیکرون کے ہیں، فروری کے وسط تک یہ لہر اپنے عروج پر ہوگی۔

ماہرین صحت نے اپیل کی ہے کہ شہری ویکسی نیشن کروائیں اور بوسٹر ڈوزلگوائیں۔

ملک بھر میں کورونا کا بڑا وار، ایک دن میں 8 ہزار نئے کیسز رپورٹ

 ملک بھر میں کورونا کے پھیلاؤ نے پھر خطرے کی گھنٹی بجا دی، پہلی مرتبہ ایک دن میں 8 ہزار 183 نئے کیسزسامنے آگئے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران مثبت کیسز کی شرح گیارہ اعشاریہ نو دو فیصد ریکارڈ کی گئی۔

این سی او سی کے مطابق کورونا وائرس سے 30 افراد جاں بحق ہوگئے، جس کے بعد اموات کی تعداد 29 ہزار 192 ہوگئی۔

پاکستان میں کورونا کے تصدیق شدہ کیسز کی تعداد 14 لاکھ 2 ہزار 70 ہوگئی۔

Statistics 28 Jan 22:
Total Tests in Last 24 Hours: 68,624
Positive Cases: 8183

Advertisement

Positivity %: 11.92%
Deaths :30
Patients on Critical Care: 1353

— NCOC (@OfficialNcoc) January 28, 2022

این سی او سی کے تازہ ترین اعدادوشمار کے مطابق پنجاب میں 4 لاکھ 71 ہزار 925، سندھ میں 5 لاکھ 35 ہزار 965، خیبرپختونخوا میں ایک لاکھ 89 ہزار 300، بلوچستان میں 34 ہزار 187، گلگت بلتستان میں 10 ہزار 580، اسلام آباد میں ایک لاکھ 23 ہزار 648 جبکہ آزاد کشمیر میں 36 ہزار 465 کیسز رپورٹ ہوئے۔