انسانی دماغ قدرت کی ایسی تخلیق ہے کہ ایک نابینا شخص بھی بنا بصارت دماغ میں نقشہ تخلیق کر کے اندازے سے اپنی زندگی گزار سکتا ہے۔ لیکن آنکھیں جنہیں جسم کا سب سے قابل بھروسہ عضو ہونا چاہئیے اکثر اس دماغ کو دھوکہ دے جاتی ہیں۔

ایسا ہی ایک بصری دھوکہ جسے آپٹیکل الیوژن کہتے ہیں، انٹرنیٹ کو چکرانے میں مصروف ہے۔

اس نظری دھوکے میں پولیس کی وردی میں ملبوس تین آدمیوں کو ایک سیدھی لائن میں بندوق تھامے کھڑا دکھایا گیا ہے، اور سوال پوچھا گیا ہے کہ کیا آپ اندازہ لگا سکتے ہیں تصویر میں موجود کون سا شخص سب سے لمبا ہے؟

اس سے کوئی فرق نہیں پڑتا کہ آپ تصویر کتنی بار دیکھتے ہیں، یا کس طرح الٹ پلٹ کر دیکھتے ہیں، آپ اب بھی یہ نہیں جان سکتے کہ کیا ہو رہا ہے۔

چلئیے آپ کو ایک ہنٹ دیتے ہیں، اس کے لیے آپ کو پیمائش کی ضرورت نہیں، صرف اندازہ لگائیں۔

اس مشکل تصویر کو دیکھ کر آپ کو لگتا ہے کہ دائیں طرف کھڑا آدمی سب سے لمبا دکھائی دے رہا ہے، لیکن یہیں پر آپ غلط ہیں۔

تو کیا آپ کو اب بھی لگتا ہے کہ آپ کو اس بصری دھوکے کا جواب معلوم ہے؟

صحیح جواب یہ ہے کہ جناب، تمام مرد قد میں بالکل ایک جیسے ہیں لیکن وہم آپ کو کچھ اور سوچنے پر مجبور کر دیتا ہے۔