بھوتوں کی تلاش کرنے والی دو لڑکیوں کا کہنا ہے کہ وہ ایک آسیب زدہ ہوٹل میں خوفناک تجربے سے گزرنے کے بعد اب تک سو نہیں سکی ہیں۔

خواتین کا دعویٰ ہے وہاں موجود بھوتوں میں سے ایک نے انہیں گالی بھی دی تھی۔

انہوں نے یہ بھی دعویٰ کیا کہ بھوتوں سے اس تصادم کے دوران انہیں سڑے ہوئے گوشت کی بدبو اور گولیوں کی آوازوں کا بھی سامنا کرنا پڑا۔

22 سالہ جیسکا سمز اور 19 سالہ  ایلی مے رامسے نے جب اڈیلفی ہوٹل میں بھوتوں کی جانب سے گالیاں دئیے جانے کی خبریں سنیں تو انہوں نے آئل آف مین سے 9 جنوری 2022 کو لیور پول کا سفر کیا، اور وہاں اڈیلفی ہوٹل میں قیام کیا۔

جیس اور ایلی کے نام سے یوٹیوب چینل چلانے والی جوڑی نے کہا کہ انہیں ہوٹل “صحیح نہیں لگا” اور وہ “لوگوں کو اپنے اندر سے گزرتے ہوئے محسوس کرتی رہیں”۔

جیس نے لیورپول ایکو کو بتایا کہ “ہم نے کمرے کا جائزہ لیا اور پہلی چیزوں میں سے ایک جو ہم نے محسوس کی وہ یہ ہے کہ یہ واقعی تیزی ٹھنڈا ہوتا جا رہا تھا۔ ایسا کئی بار ہوا کہ ہم دونوں بغیر کسی وجہ کے کانپتے اور ہنس پڑتے۔

اس کے بعد لڑکیوں نے اسپرٹ باکس اور EMF ریڈر کے ساتھ ہوٹل میں گھومنے پھرنے کا فیصلہ کیا کہ آیا وہ روحوں کے ساتھ بات چیت کر سکتی ہیں۔

انہوں نے کہا کہ انہوں نے سائے، درجہ حرارت میں ڈرامائی تبدیلی اور کچے گوشت کی بو کا تجربہ کیا۔

ایلی اور جیس نے یہ بھی کہا کہ جب وہ لفٹ کے قریب تھے تو انہیں خوف محسوس ہوا اور جب انہوں نے وہاں سے جانے کا فیصلہ کیا تو لفٹ کی حرکت سنی، لیکن اس کے دروازے نہیں کھلے۔

لیکن چیزیں اس وقت ایک عجیب موڑ پر پہنچ گئیں جب ایک روح نے ان میں سے ایک کو گالی دی۔

ایک بار جب وہ کمرے میں واپس آئے تو انہوں نے کمرے کے اندر بھوتوں سے بات کرنے کے لیے اسپرٹ باکس کا استعمال کیا لیکن وہ اسوقت “حیرت زدہ” رہ گئیں جب ایک مردانہ روح نے انہیں انتہائی غلیظ گالی سے نوازا۔

جیس نے روحوں سے پوچھا کہ کیا وہ چاہتے ہیں کہ کیمرا بند کردیا جائے، جس پر ایک اور نے جواب دیا کہ “کوشش بھی نہ کرنا”۔

خواتین میں سے ایک کا کہنا ہے کہ “یہ ایڈیلفی میں ایک حیرت انگیز تجربہ تھا، میں دوبارہ وہاں نہیں رہوں گی جب تک کہ مجھے مجبور نہ کیا جائے۔”