انسان ہمیشہ ہی سے منفرد نظرآنا چاہتا ہے اسی لئے خوب سے خوب تر کی جستجو میں لگا رہتا ہے۔ اسی حوالے سے اگربات کی جائے مہنگی اشیاء تو مہنگی گاڑی، مہنگے بیگ اور مہنگے زیورات تو ہر ایک کی نظر سے گزرتے رہتے ہیں لیکن صرف ایک شرٹ کی قیمت اگر کروڑوں میں ہوں تو انسان سوچنے پر مجبور ہوجاتا ہے کہ اس میں ایسی کیا خاص بات ہے۔

آج یہاں پر ایسی ہی ایک شرٹ کا ذکر کیا جارہا ہے جسے  2012 میں تیار کیا گیا تھا جس کی قیمت جان کر یقیناً آپ کے ہوش اڑ جائیں گے، اس شرٹ کی قیمت صرف 7 کروڑ روپے ہے۔

سوپرلیٹوولگثری نامی یہ ٹی شرٹ جسے لندن میں تیار کیا گیاتھا۔ اس شرٹ کی تیاری میں کلین انرجی کا استعمال کیا گیا تھا۔ یہ انرجی ماحول سے جذب کر کے حاصل کی جاتی ہے یہ وہی انرجی ہے جسے گھریوں میں سولر سسٹم میں استعمال کیا جاتا ہے۔

واضح رہے کہ اس شرٹ کی تیاری میں صفر حد تک کاربن ڈائی آکسائیڈ کو خارج کیا گیا تھا، اور حیرت انگیز طور پر اس شرٹ میں 16 ہیروں کا استعمال کیا گیا تھا، جن میں ایک سفید ہیرا اور جبکہ باقی سیاہ ہیرے استعمال کئے گئے ہیں، اسی بنا پر یہ شرٹ قیمتی ہونے کی وجہ سے 7 کروڑ کی ہے۔

کیا آپ اس شرٹ کو خریدنا چاہتے ہیں؟

اس شرٹ کو خریدنے کے لئے آپ کو لندن کے لگژری برانڈ سے رابطہ کرنا ہوگا۔ یہ ایشیائی ممالک میں صرف چائنہ کے پاس موجود ہیں۔