پاکستان کا شمار ان ممالک میں ہوتا ہے جہاں کورونا وبا کا حملہ دیگر ممالک کے نسبت کم شدت کاتھا تھا اور حکومت پاکستان نے اس سے نبرد آزما ہونے کے لئے بہتر اقدامات آٹھائے تھے۔ تاہم یہ وبا ایک بار پھرسراٹھا رہی ہے۔

سرد موسم میں کورونا وبا تیزی سے پھیلتی ہے اور یہی وجہ ہے پاکستان ایک بار پھر اس کی زد میں ہے گزشتہ چوبیس گھنٹوں میں کورونا کے 298 کیسز سامنے آئے ہیں اور تقریباً چھ ماہ بعد مثبت کیسز کی شرح 5-7 فیصد تک پہنچ گئی ہے۔ جبکہ کورونا وائرس کی نئی قسم اومیکرون کا پھیلاؤ بھی جاری ہے اور اب تک 31 مریضوں اومیکرون کی تصدیق ہو چکی ہے اورحیران کن طور پر ان میں خواتین کی شرح 60 فیصد ہے۔

تفصیلات کے مطابق کورونا کیسز کے حالیہ اضافہ میں اومیکرون ویرینٹ کی مجموعی تعداد 242 تک پہنچ گئی ہے۔

کورونا کی نئی  قسم اومیکرون کے خواتین میں پھیلنے کی بنیادی وجہ ماہرین کے نزدیک ویکسی نیشن کا بروقت مکمل نہ کروانا یا اس میں سستی سے کام لینا ہے۔

پرنسپل سمز میڈیکل کالج پروفیسر طیبہ وسیم کا اس ضمن میں کہنا ہے کہ کورونا ویکسین  کے حاملہ اور دودھ پلانے والی خواتین ماؤں پر کسی قسم کے کوئی مضر اثرات مرتب نہیں ہوتے۔

ان کا مزید یہ بھی کہنا ہے کہ 30 سال سے زائد عمر کے افراد کورونا وائرس سے بچاؤ کے لئے بوسٹر ڈوز ضرور لگائیں تاکہ امیکرون کے خلاف اینٹی باڈیز میں اضافہ کیا جاسکے۔

دوسری جانب صوبائی وزیر قانون راجہ بشارت کی زیر صدارت کا بینہ کمیٹی برائے انسداد کورونا کا اجلاس ہوا، صوبائی وزیرصحت ڈاکٹر یاسمین راشد نے بھی ویڈیو لنک کے ذریعے شرکت کی، وزیر قانون سمیت کمیٹی نےان کی خدمات کو سراہتے ہوئے ان کی صحت یابی کے لئے نیک خواہشات کا اظہار کیا، واضح رہے کہ صوبائی وزیر صحت ڈاکٹر یاسمین راشد کا کورونا ٹیسٹ مثبت آیا ہے اور وہ قرنطینہ میں ہے۔

اجلاس میں صوبائی وزیر ہاشم جواں بخت، سپیشل اسسٹنٹ حسان خاور، چیف سیکرٹری ، آئی جی پنجاب، ایڈیشنل چیف سیکرٹری ہوم، سیکرٹری پرائمری ہیلتھ ،سیکرٹری سپیشلائز ہیلتھ اور سیکرٹری انفارمیشن سمیت متعلقہ افسران موجود تھے۔

جبکہ تمام کمشنرز اور ڈپٹی کمشنرز ویڈیو لنک کے ذریعے اجلاس میں شریک تھے۔ اجلاس میں بریفنگ کے دوران بتایا گیا کہ پنجاب بھر میں 50 فیصد لوگوں کی ویکسی نیشن مکمل ہو چکی ہے اور رواں مہینے کے اختتام تک 60 فیصد تک عوام ویکی نیشن لگوا چکے ہوں گے۔

صوبائی وزیر صحت ڈاکٹر یاسمین راشد کا کہنا ہے کہ  کہا کہ پنجاب میں کسی بھی قسم کی ایمرجنسی سے نمٹنے کے لئےمحکمہ صحت نے تمام ضروری اقدامات کر لئے ہیں اپنی استعداد کار میں اضافہ کرلیاہے۔