نامور اداکار رنویر سنگھ بالی ووڈ کے لیجنڈری اداکار گووندا کے سامنے جذباتی ہوگئی۔

بالی ووڈ اداکار رنویر سنگھ ان دنوں اپنی نئی فلم ’83‘ کی کامیابی سمیٹ رہے ہیں جس میں انہوں نے بھارت کو پہلی بار کرکٹ میں عالمی چیمپئن بنانے والے سابق کپتان کپل دیو کا کردار ادا کیا ہے جب کہ فلم میں ان کی اہلیہ اداکارہ دپیکا پڈوکون نے کپل دیو کی بیوی کا کردار نبھایا ہے۔

رنویر سنگھ بڑے پردے تو جلوے بکھیرتے ہی رہتے ہیں لیکن آج کل وہ چھوٹے پردے پر بھی چھائے ہوئے ہیں اور نجی ٹی وی سے ’دی بگ پکچر‘ نامی ایک پروگرام کی میزبانی کررہے ہیں جس میں وہ گیم شو کے امیدواروں سے مختلف سوالات کرتے ہیں اور اس دوران انہیں کچھ تصاویر بھی دکھائی جاتی ہیں جس کی مدد سے سوالات پوچھے جاتے ہیں۔

سوشل میڈیا پر رنویر سنگھ کی نئے سال کے موقع پر نئی قسط کا پرومو ریلیز کیا گیا جس میں انہوں نے نامور اداکار گووندا کو بطور مہمان بلایا تھا اور اس میں ان کے ساتھ ڈانس سمیت خوب مذاق مستی کی۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Bollywood Hungama🎥 (@realbollywoodhungama)

سوشل میڈٰیا پر وائرل ہونے والی ویڈیو میں رنویر سنگھ پروگرام کا آغاز کرنے کے بعد کہتے ہیں’’ آج اس شو پر اس خوش قسمت کھڑی میں میرے بھگوان خود چل کر آرہے ہیں، دی ہیرو نمبر ون، گوندا‘‘۔

ویڈیو میں دیکھا جاسکتا ہے کہ رنویر سنگھ اداکار گووندا کا استقبال کرتے ہوئے ان کے ہاتھ چومتے ہیں اور انہیں گلے لگاتے ہیں اور اس دوران وہ جذباتی ہوجاتے ہیں ، ان کی آنکھیں بھی نم ہوجاتی ہیں ، آخر میں وہ ان کے پیر بھی پڑجاتے ہیں۔

آخر میں رنویر سنگھ نے لیجنڈری اداکار سے ڈانس کی فرمائش بھی کی جس پر انہوں نے اپنی 90 کی دہائی کی بلاگ بسٹر فلموں کے گانوں پر بھرپور ڈانس کیا اور پھر رنویر سنگھ کو ٹوپی پر آٹو گراف بھی دیا جسے اداکار نے سینے سے لگاکر کہا یہ ہمیشہ میرے پاس رہے گا۔