قورمہ پاکستان کے کھانوں کی ایک ایسی ڈش ہے جسے ہر فرد کی جانب سے بہت پسند کیا جاتا ہے۔

آپ بھی گھر میں حیدرآبادی چکن قورمے کی اس آسان ترکیب کو ضرور آزمائیں۔

اجزاء (3 سے 4 افراد کیلئے)

چکن- 600 گرام

نمک -حسبِ ذائقہ

ہلدی- ایک کھانے کا چمچ

لال مرچ پسی ہوئی- ڈیڑھ کھانے کا چمچ

لیموں کا رس دو کھانے کے چمچ

ادرک لہسن پیسٹ دو کھانے کے چمچ

کھانے کا تیل چار کھانے کے چمچ

پیاز ایک عدد

ثابت زیرہ ایک چائے کا چمچ

ہری مر چ دو عدد

چھوٹی اِلائچی تین عدد

بڑی اِلائچی تین عدد

ٹماٹر تین عدد

دہی ایک کھانے کا چمچ

کالی مرچ پسی ہوئی آدھا چائے کا چمچ

زیرہ کُٹا ہوا -ایک چائے کا چمچ

کُٹا ہوا دھنیا- ایک چائے کا چمچ

چکن یخنی- آدھا کپ

آلو بخارہ -دس گرام

ہری مرچ ،ہرا دھنیا ،ادرک گارنشنگ کے لیے

ترکیب:

سب سے پہلے ایک برتن میں چکن ،آئل ،نمک،ہلدی،لال مرچ پسی ہوئی ،لیموں کا رس اور ادرک لہسن کا پیسٹ ڈال کر اچھی طرح ملا لیں اور آدھے گھنٹے کے لئے فریج میں رکھ دیں۔

اس کے بعد ایک پین میں کھانے کا تیل گرم کر کے مصالحہ لگے چکن کو 3 سے 4 منٹ تک درمیانی آنچ پر ڈیپ فرائی کریں۔

پھر ایک پین میں کوکنگ آئل،پیاز ،ثابت زیرہ ،ہری مر چ،چھوٹی اِلائچی ،بڑی اِلائچی، ادرک لہسن کا پیسٹ،ٹماٹر ،دہی ،نمک،ہلدی ،لال مرچ پسی ہوئی ،کالی مرچ پسی ہوئی،زیرہ پاؤڈراورکُٹا ہوا دھنیا ڈال کر دو سے تین منٹ تک بھون لیں۔

اب اس میں چکن یخنی ڈال کر چار سے پانچ منٹ تک دم دیں اور اس کے بعد آلو بخارہ ، فرائی کیا ہوا چکن اور گارنش ڈال کر تین سے چار منٹ تک بھون لیں ۔

اب مزے دار حیدرآبادی چکن قورمے کو دھنیے اور ادرک کی گارنشنگ کے ساتھ پیش کریں۔