کرونا وائرس کی دوا تیار کرنے والی امریکی کمپنی نے 105 ترقی پذیر ممالک میں دوا کی سپلائی کرنے کا اعلان کر دیا۔

غیر ملکی میڈیا کے مطابق کرونا کی دوا تیار کرنے والی امریکی کمپنی مرک نے دو درجن سے زائد جنرک ادویات بنانے والی کمپنیوں سے معاہدے طے لر لیے ہیں، یہ کمپنیاں جن مل کر(مولنیوپیراویر) نامی دوا تیار کریں گی جس کے بعد دوا کی سپلائی کا سلسلہ شروع کیا جائے گا۔

 کورونا وائرس سے لڑنے میں مددگار اس دوا کو یورپی یونین کے رکن ممالک اور امریکا میں بھی استعمال کی اجازت مل چکی ہے۔

ماہرین کا کہنا ہے کہ اس دوا کے استعمال سے اسپتال میں داخلے کا خطرہ 50 فیصد تک کم ہوجاتا ہے، جس کو اب 11 ممالک کی 27 کمپنیاں بہت جلد تیار کرنا شروع کر دیں گی۔

ایم پی پی کے ایگزیکٹیو ڈائریکٹر چارلس گور نے اُمید ظاہر کی ہے کہ آئندہ چند ماہ میں جنرک ورژن باآسانی ان ممالک کو دستیاب ہوگا۔

یاد رہے کہ کورونا وائرس کو مات دینے مولنیوپیراویر کو مرک نے ریج بیک بائیو تھراپیوٹیکس کے ساتھ مل کر تیار کیا ہے۔

فائزر اور ایم پی پی نے بتایا کہ معاہدے کے تحت جن 95 ممالک کو اس حصہ بنایا گیا ہے وہ دنیا کی 53 فیصد آبادی پر مشتمل ہے اور ان میں غریب، کم آمدنی والے متوسط اور کچھ زیادہ آمدنی والے متوسط ممالک شامل ہیں۔

واضح رہے کہ دوا ساز امریکی کپمنی اور دیگر ممالک کی کمپنیوں کے مابین معاہدے کے بعد معاہدے میں شامل ممالک اس دوا کو انٹرنیشنل پبلک ہیلتھ گروپ میڈیسینز پیشنٹ پول (ایم پی پی) کے ساتھ لائسنسنگ معاہدے کے تحت تیارکیا جائے گا۔