حمزہ شہباز نے کہا ہے کہ نا اہل حکومت کے دور میں ملک عدم تحفظ کا شکار ہو چکا ہے۔
صحافی حسنین شاہ ٹارگٹ کلنگ اپوزیشن لیڈر پنجاب اسمبلی حمزہ شہباز نے اظہار افسوس کرتے ہوئے کہا کہ لاہور پریس کلب کے باہر رپورٹر اور صحافی حسنین شاہ کے قتل پر افسوس کا اظہار کرتا ہوں، اللہ تعالی مرحوم کو جنت الفردوس میں جگہ دے اور لواحقین کو صبر جمیل عطا فرمائے۔
حمزہ شہباز نے کہا کہ دن دیہاڑے صحافی کی ٹارگٹ کلنگ بدامنی کی لہر کا تسلسل ہے۔
ان کا کہنا تھا کہ پنجاب میں امن و امان کی صورتحال مسلسل بگڑ رہی ہے۔
اپوزیشن لیڈر پنجاب اسمبلی حمزہ شہباز شریف کا مزید کہنا تھا کہ پنجاب میں جرائم کی شرح میں پچھلے چند سالوں میں تیزی سے اضافہ ہو رہا ہے، نا اہل حکومت کے دور میں ملک عدم تحفظ کا شکار ہو چکا ہے۔
Advertisement
واضح رہے کہ لاہور پریس کلب کے باہر نامعلوم افراد کی فائرنگ سے نجی ٹی وی کے رپورٹر حسنین شاہ جاں بحق ہوگئے ہیں۔
پولیس کا کہنا ہے کہ ملزمان فائرنگ کے بعد فرار ہوگئے، صحافی حسنین شاہ پریس کلب کے باہر گاڑی پارک کر رہے تھے۔
آئی جی پنجاب نے صحافی کے قتل کے واقعے کا نوٹس لے لیا اور سی سی پی او لاہور سے واقعے کی رپورٹ طلب کر لی۔
آئی جی پنجاب نے کہا کہ فائرنگ کرنے والے ملزمان کو جلد از جلد گرفتار کیا جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
