کورونا وائرس ہونے کے باوجود پاکستان تحریک انصاف کے رکن قومی اسمبلی کے اجلاس میں شرکت کرنے کا انکشاف ہوا ہے۔
حکمراں جماعت کے ایم این اے شیر اکبر خان نے کورونا ایس او پیز کی دھجیاں اڑا دیں، کورونا وائرس ہونے کے باوجود قومی اسمبلی اجلاس میں شرکت کرنے کا انکشاف ہوا ہے، شیر اکبر خان میں کورونا وائرس کی تصدیق 19 جنوری کو ہوئی تھی۔
ڈاکٹرز کے مطابق 19 جنوری کو شیر اکبر کو کورونا رپورٹ دیکر بتایا گیا کہ آپ کو کورونا وائرس ہے، 19 جنوری کو ہی ایم این اے کو خود کو قرنطینہ کرنے کا کہا گیا۔
ایم این شیر اکبر خان نے تصدیق کرتے ہوئے کہا کہ مجھے کورونا ہوا تھا اب طبیعت بہتر ہے، میں آئسولیشن میں ہی تھا، آج معلوم ہوا کہ ایوان میں آرڈیننس پیش ہونے ہیں۔
شیر اکبر خان نے کہا کہ آرڈیننس کی وجہ سے آئسولیشن سے نکل کر اجلاس میں شرکت کی۔
Advertisement
ذرائع کے مطابق ارکان قومی اسمبلی شیر اکبر خان کے اس عمل پر سخت ناراض ہیں اور کہا ہے کہ شیر اکبر خان کو کورونا ہونے کی اطلاع سیکرٹری قومی اسمبلی کو بھی دی گئی، اطلاع ملنے کے باوجود ایم این اے کو ایوان سے باہر جانے کا کسی نے نہیں کہا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
