انگلش پریمئیر لیگ، اب کوئی میچ ملتوی نہیں ہو گا انتظامیہ

ویب ڈیسک

27th Jan, 2022. 10:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلش پریمئیر لیگ، اب کوئی میچ ملتوی نہیں ہو گا انتظامیہ

انگلش پریمئیر لیگ کی انتظامیہ نے اعلان کیا ہے کہ کورونا یا کسی اور وجہ سے لیگ کے میچز ملتوی نہیں ہوں گے۔

انگلش پریمئیر لیگ کے اس نئے قانون پر تمام فٹ بال کلبز نے اپنی حمایت کا اعلان کیا ہے اور ٹاپ 20 فٹ بال کلبز نے اس نئے قانون کے معاہدے پر دستخط بھی کر دیئے ہیں۔

انگلش پریمئیر لیگ کا یہ فیصلہ اس وقت سامنے آیا جب لیگ کے ابتدائی مرحلے کے متعدد میچ منسوخ کئے گئے تھے۔

لیگ کے میچز ملتوی ہونے کی وجوہات میں کورونا کے مثبت کیسز ، کھلاڑیوں کی انجریز ، کھلاڑی کی معطلی اور کھلاڑیوں کی قومی ٹیم میں شرکت شامل ہیں۔

موجودہ انگلش پریمئیر لیگ کے ابتدائی مرحلے میں 22 میچز متذکرہ بالا وجوہات کی بنا پر منسوخ کئے گئے تھے، آخری منسوخ ہونے والا آرسنل اور ٹاٹینہم کے مابین تھا جو نارتھ لندن ڈربی میں کھیلا جانا تھا۔

انگلش پریمئیر لیگ کی انتظامیہ کا کہنا ہے نئی گائڈ لائن کا اطلاق لیگ کے اگلے مرحلے میں ہو گا جو 5 فروری سے برنلے فٹ بال کلب اور واٹفورڈ فٹ بال کلب کے مابین میچ سے شروع ہو گا۔

انتظامیہ کا مزید کہنا تھا کہ اب میچ دیکھنے کے لئے شائقین کو کووڈ سرٹیفیکیٹ دکھانا بھی ضروری نہیں ہے اور شائقین بلا خوف و خطر اسٹیڈیم آ سکتے ہیں۔