جاپانی ٹینس اسٹار نومی اوساکا کی آسٹریلیا میں جاری وارم اپ ٹورنامنٹ میں زخمی ہونے کے باعث گرینڈ سلم میں شرکت مشکوک ہو گئی ہے۔

سابق عالمی نمبر ایک نومی اوساکا نے آسٹریلیا کے شہر میلبورن میں وارم اپ ٹورنامنٹ کے سیمی فائنل تک رسائی حاصل کر لی تھی۔

نومی اوساکا نے اپنے سوشل میڈیا اکاؤنٹ پر کہا کہ انجری معمولی نوعیت کی ہے اور وہ کسی قسم کا خطرہ مول نہیں لینا چاہتی۔

Sad to withdraw due to injury from my match today, my body got a shock from playing back to back intense matches after the break I took. Thank you for all the love this past week ❤️ I’ll try to rest up and I’ll see you soon!

Advertisement

— NaomiOsaka大坂なおみ (@naomiosaka) January 8, 2022

نومی نے کہا وہ اپنے آپ کو آسٹریلین اوپن کے لئے تیار کرنا چاہتی ہیں جو کہ 17 جنوری کو شروع ہونے جارہا ہے۔

نومی نے کہا کہ وہ بہت جلد ٹینس کورٹ میں واپس آ رہی ہیں۔

نومی اوساکا نے چار مرتبہ گرینڈ سلم ایونٹ اپنے نام کئے ہیں ، انہیں گزشتہ سال یو ایس اوپن کے تیسرے راؤنڈ میں غیر معروف کھلاڑی لیلاہ فرنانڈیز نے اپ سیٹ شکست دی تھی۔

نومی اوساکا دو سال قبل عالمی نمبر 1 کی پوزیشن بھی حاصل کر چکی ہیں اور اس وقت وہ ٹینس کی عالمی درجہ بندی میں 13 ویں پوزیشن پر ہیں۔

آسٹریلیا میں جاری وارم اپ ٹورنامنٹ کے سیمی فائنل سے باہر ہونے کے بعد روس کی ویرونیکا براہ راست فائنل میں پہنچ چکی ہیں۔