آل پاکستان کاروگیٹیڈ کارٹن مینوفیکچررز ایسوسی ایشن کا لاہور چیمبر آف کامرس میں ہنگامی اجلاس کی صدارت کرتے ہوئے چیرمین زکی اعجاز قریشی کا کہنا تھا کہ صنعت خام مال کی قلت، کاغذ کی قیمتوں میں اضافہ، بجلی کے نرخوں میں اضافہ جیسے مسائل سے دوچار ہے۔

تفصیلات کے مطابق آل پاکستان کاروگیٹیڈ کارٹن مینوفیکچررز ایسوسی ایشن کا لاہور چیمبر آف کامرس میں ہنگامی اجلاس منگل کو طلب کیا گیا۔

اجلاس کی صدارت چئیرمین زکی اعجاز قریشی نے کی جبکہ خواجہ طارق محمود سینئر وائس چیئرمین، حاجی فیصل اکرام وائس چیئرمین دنان خالد بٹ بھی اس موقع پر موجود تھے۔ ان کا کہنا تھا کہ وفاقی حکومت پاکستان میں کاروگیٹیڈ صنعت کی سرپرستی کرے۔

صنعت خام مال کی قلت، کاغذ کی قیمتوں میں اضافہ، بجلی کے نرخوں میں اضافہ جیسے گمبھیر مسائل سے دوچار ہے۔ چیئرمین ایسوسی ایشن پیپر مینوفیکچرز کاغذ کی قیمتوں میں آئے روز اضافہ کر رہی ہے جو صنعت پر بری طرح اثر انداز ہورہی ہے۔

 ذکی اعجاز قریشی کا کہنا تھا کہ  اب تک گتے کی قیمت میں %20 سے زائد اضافہ ہو چکا ہے۔ بجلی کے نرخوں میں اضافہ، فیول میں اضافہ، خام مال کی قیمتوں میں اضافہ نے پیداواری لاگت انتہائی حد تک بڑھا دی ہے۔

انھوں نے مطالبہ کیا ہے کہ چیئرمین ایسوسی ایشن اور حکومت خام مال {ردی} کی قیمتوں کو کنٹرول کرے تاکہ پیپر مینوفیکچرز اس میں ناجائزمنافع کمانے سے باز رہیں۔

مزید براں  تاجروں نے  مطالبہ کیا ہے کہ حکومت ایچ ایس کوڈز4804- 1900-1900,4805- 4805- 2400کے تحت پیپرز کی ایکسپورٹ پر مکمل پابندی عائد کرے۔