وزیر خزانہ شوکت ترین نے اسٹیٹ بینک ترمیمی بل ایوان میں پیش کیا جسے کثرت رائے سے منظور کرلیا گیا۔

اسٹیٹ بینک ترمیمی بل کی منظوری کے بعد وزیراعظم کے معاون خصوصی برائے سیاسی روابط ڈاکٹر شہباز گل نے سوشل میڈیا پر جاری ٹوئٹ میں کہاکہ اپوزیشن کو ایک اور شکست،سینیٹ میں بل منظور۔

انہوں نے اپنی ٹوئٹ میں طنز یہ انداز میں مزید کہاکہ یہ شکست نواز شریف کو اور مضبوط کر دے گی۔ شرم نا ہو تو موجاں ہی موجاں۔

اپوزیشن کو ایک اور شکست۔ سینیٹ میں بل منظور۔ یہ شکست نواز شریف کو اور مضبوط کر دے گی۔ شرم نا ہو تو موجاں ہی موجاں۔

Advertisement

— Dr. Shahbaz GiLL (@SHABAZGIL) January 28, 2022

دوسری جانب وفاقی وزیرفواد چوہدری نے کہاکہ حکومت نے ثابت کیا ہے کہ تمام جماعتیں مل کر بھی ایک عمران خان کے آگے ڈھیر ہیں، اللہ کی مدد شامل حال رہی تو انشاللہ کامیابیوں کا سفر رکنے والا نہیں۔

الحمدللّٰہ ایک اور دن ایک اور کامیابی، عدم اعتماد کا خواب دیکھنے والے اس ایوان میں بھی ناکام جہاں ان کی نام نہاد اکثریت ہے، حکومت نے ثابت کیا ہے کہ تمام جماعتیں مل کر بھی ایک عمران خان کے آگے ڈھیر ہیں، اللہ کی مدد شامل حال رہی تو انشاللہ کامیابیوں کا سفر رکنے والا نہیں

— Ch Fawad Hussain (@fawadchaudhry) January 28, 2022

اسٹیٹ بینک ترمیمی بل کثرت رائے سے منظور

وزیر خزانہ شوکت ترین نے اسٹیٹ بینک ترمیمی بل ایوان میں پیش کیا جسے کثرت رائے سے منظور کرلیا گیا۔

سینیٹ کا اجلاس چیئرمین صادق سنجرانی کی زیر صدارت شروع ہوا جس میں وزیر خزانہ شوکت ترین نے اسٹیٹ بینک ترمیمی بل ایوان میں پیش کیا تو کثرت رائے سے منظور کرلیا گیا ہے۔

اسٹیٹ بینک ترمیمی بل کی رائے شماری میں مجموعی طور پر 85 ووٹ ڈالے گئے جس میں سے 43 ووٹ بل کی حمایت جبکہ 42 ووٹ بل کی مخالفت میں کاسٹ کیے گئے۔

اپوزیشن نے چیئرمین سینیٹ کے ڈائز کا گھراؤ کیا اور بل کی کاپیاں پھاڑ کر پھینک دی جبکہ اپوزیشن نے اسٹیٹ بینک ترمیمی بل کی ووٹنگ چیلنج کرتے ہوئے ری کاؤنٹ ری کاؤنٹ کی نعرے بازی بھی کی۔