پپیتا فوائد اور ذائقے کے اعتبار سے ایک بہترین پھل ہے جس کا کم سے کم ہفتے میں ایک مرتبہ استعمال ضرور کرنا چاہیئے۔

ماہرینِ صحت کے مطابق اگر آپ پپیتے کا روزانہ استعمال نہ بھی کریں مگر اس کا ہفتے میں ایک مرتبہ استعمال آپ کی صحت پر حیرت انگیز فوائد مرتب کرتا ہے۔

ہفتے میں ایک مرتبہ پپیتا کھانے کے فوائد

نظامِ ہاضمہ

نظامِ ہاضمہ کے مسائل کو دور کرنے کے لئے پپیتے سے بہتر کوئی پھل نہیں، یہ فائبر سے بھرپور ہوتا ہے اور قبض سے نجات دلاتا ہے، کھانا ہضم کرنے میں مدد کرتا ہے اس کے استعمال سے آنتوں اور معدے کی صحت برقرار رہتی ہے اور آپ پیٹ کے مسائل کا شکار نہیں ہوتے۔

بلڈ پریشرمتوازن رکھے

پپیتے میں موجود ‘کارپین‘ ہائی بلڈپریشر کو معتدل کرنے میں اہم کردار ادا کرتا ہے، اس لئے بلڈ پریشر کے شکار افراد کو کم از کم ہفتے میں ایک مرتبہ پپیتے کا استعمال لازمی کرنا چاہیئے۔

کولیسٹرول گھٹائے کے لئے بہترین

پپیتے میں وافر مقدار میں فائبر پایا جاتا ہے جو کہ کولیسٹرول کو کم کرنے میں بےحد مدد کرتا ہے، اس میں اینٹی آکسیڈینٹ اور دیگر وٹامنز امراضِ قلب جیسی جان لیوا بیماری میں مبتلا ہونے سے بچاتے ہیں۔

پیٹ کے کیڑوں کا خاتمہ

ماہرین کے مطابق پپیتے کے استعمال سے پیٹ کے کیڑوں کا خاتمہ ہو جاتا ہے پیٹ میں موجود یہ کیڑے ہماری خوراک کواستعمال کر لیتے ہیں جس سے ہمیں جسم کی ضرورت کے مطابق غذائیت حاصل نہیں ہوتی یاد رہے کہ پپیتے کو بیج سمیت استعمال کرنے سے پیٹ کے کیڑوں کا خاتمہ ہوتا ہے۔

اینٹی ایجنگ خصوصیات

پپیتا ایک ایسا پھل ہے جس کے استعمال سے قبلِ از وقت بڑھاپا آنے سے روکا جا سکتا ہے، اس کی اینٹی ایجنگ خصوصیات کی وجہ سے اس کا استعمال بےحد مفید ہے، اس میں موجود وٹامن سی، ای اور اینٹی آکسیڈینٹس جلد کو جھریوں اور جھائیوں میں مبتلا ہونے سے بچاتے ہیں۔