پاکستان شوبز انڈسٹری کی ہر دل عزیز ادکارہ عائشہ عمر نے شادی کے حوالے سے اہم انکشاف کیا ہے۔

اداکارہ عائشہ عمر نے بتایا کہ کالج کی محبت سے اُن کی شادی نہ ہو سکی لیکن وہ شخص اب اُن کے بہت اچھے دوست ہیں۔

حال ہی میں ایک پروگرام میں اداکارہ نے بطورِ مہمان شرکت کی جہاں اُنہوں نے میزبان کے مختلف سوالات کے جواب دیئے۔

دورانِ پروگرام ایک سیگمنٹ کے دوران میزبان نے اداکارہ سے سوال کیا کہ ’کتنے فیصد پاکستانی یہ سمجھتے ہیں کہ کالج کی محبت کا اختتام شادی پر ہی ہوتا ہے؟‘

اس سوال کے جواب میں عائشہ عمر نے کہا کہ ’15 فیصد پاکستانی یہ سمجھتے ہیں کہ کالج کی محبت کا اختتام شادی پر ہوتا ہے۔

اس دوران عائشہ عمر نے انکشاف کیا کہ اُنہیں بھی کالج میں ایک شخص سے محبت ہوئی تھی، دونوں ایک دوسرے سے محبت کرتے تھے اور کالج میں بھی اُن کی لو اسٹوری کے خوب چرچے تھے۔

عائشہ عُمر نے کہا کہ اس شخص کی شادی ہوگئی کیونکہ وہ خود اُس وقت شادی کے لیے رضامند نہیں تھیں۔

اداکارہ نے کہا کہ میری اُن سے شادی نہیں ہوئی لیکن وہ میرے بہت اچھے دوست ہیں اور میں اُن کے لیے بہت خوش ہوں۔

ساتھ ادکارہ عائشہ  نے کہا کہ اگر وہ مجھے اس وقت دیکھ رہے ہوں گے تو اُنہیں معلوم ہوجائے گا کہ میں اُن کے بارے میں ہی بات کر رہی ہوں۔