کچی شراب سے اموات کی تعداد میں اضافہ

ویب ڈیسک

12th Jan, 2022. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کچی شراب سے اموات کی تعداد میں اضافہ

حیدرآباد میں کچی شراب سے اموات کی تعداد میں اضافہ ہو رہا ہے۔

تفصیلات کے مطابق کچی شراب میں جاں بحق افراد کی تعداد 11 ہوگئی جبکہ مزید اضافے کا امکان ہے، سول اسپتال میں کچی شراب سے متاثرہ مجموعی طور پر 7 افراد زیرِ علاج ہیں۔

ذرائع کا کہنا ہے کہ سول اسپتال میں مزید 7 افراد کو حالت خراب ہونے پر منتقل کیا گیا، سول ہسپتال انتظامیہ نے کچی شراب سے مزید 2 اموات کی تصدیق کی۔

اے ایم ایس ایمرجنسی ڈاکٹر حکیم شیخ کا کہنا تھا کہ ہمارے پاس آج 7 مریض لائے گئے، جاں بحق ہونے والوں میں جموں بھیل اور نظام بلوچ شامل ہیں، کچی شراب سے متاثرہ پانچ مریض زیرِ علاج ہیں۔

ڈاکٹر حکیم شیخ کے مطابق زیرِ علاج مریضوں کی حالت خطرے سے باہر ہے۔

ذرائع کا کہنا ہے کہ گزشتہ چوبیس گھنٹوں کے دوران مزید چار اموات ہوئی ہیں، جاں بحق ہونے والوں میں کمال کولھی، جمن سولنگی، جموں بھیل اور نظام بلوچ شامل ہیں، کچی شراب سے مجموعی اموات کی تعداد 11 ہوگئی ہے۔

ذرائع کے مطابق جاں بحق ہونے والوں کا تعلق ماچھی گوٹھ سے ہے، جاں بحق نظام بلوچ کا تعلق ٹنڈو الہیار سے ہے جبکہ جاں بحق شخص جمن سولنگی کا تعلق کیسانہ موری سے ہے۔