شیری رحمان کا کہنا ہےکہ ٹرانسپیرنسی انٹرنیشنل کی رپورٹ پر وزیراعظم اور وزراء کا ردعمل حیران کن ہے۔

پیپلز پارٹی کی نائب صدر اور سینیٹر شیری رحمان نے سوشل میڈیا پر جاری اپنی ٹوئٹ میں کہاکہ اپنا قبلہ درست کرنے کے بجائے پوری حکومت ٹرانسپیرنسی انٹرنیشنل اور رپورٹ پر سوال اٹھا رہی ہے۔

نیب چیئرمین نے خود کہاتھا اس حکومت کے کرپشن کیسز کھلے تو یہ چل نہیں سکے گی۔ چینی، گندم، ادویات، پیٹرول، بلین ٹری سونامی اور دیگر میگا کرپشن کیسز کی انکوائری ہوئی تو “صاف چلی شفاف چلی” کی اصلیت کھل کر سامنے آ جائے گی۔احتساب کے ادراے پر تالا لگانے والے بڑھتی کرپشن کو جھٹلا رہے۔2/2 pic.twitter.com/jTt4U6mxxI

— SenatorSherryRehman (@sherryrehman) January 26, 2022

ان کا کہنا ہےکہ  ہر شہری کو معلوم ہے موجودہ وفاقی حکومت کرپٹ ترین حکومت ہے، “میں نا مانوں” کے رویے سے حقیقت تبدیل نہیں ہو جائے گی، ‏نیب چیئرمین نے خود کہا تھا اس حکومت کے کرپشن کیسز کھلے تو یہ چل نہیں سکے گی۔

پی پی کی نائب صدر نے ٹوئٹ میں مزید کہاکہ چینی، گندم، ادویات، پیٹرول، بلین ٹری سونامی اور دیگر میگا کرپشن کیسز کی انکوائری ہوئی تو “صاف چلی شفاف چلی” کی اصلیت کھل کر سامنے آ جائے گی۔