وفاقی وزیر اطلاعات چوہدری فواد حسین نے کہا ہے کہ شہباز شریف کا مقدمہ براہ راست نشر ہونا چاہیئے۔
چوہدری فواد حسین نے اپنے جاری کردہ ایک بیان میں کہا کہ مسلم لیگ ن اور پیپلز پارٹی وسائل کو اپنے لوگوں کے پاس رکھنا چاہتے ہیں، سندھ حکومت نے عوام کو صحت کارڈ سے محروم رکھا۔
ان کا کہنا تھا کہ شہباز شریف وزیر اعلیٰ بنے تو آتے ہی لوکل گورنمنٹ ختم کر دی، یہ سارا پیسہ اپنے اکاؤنٹ میں جمع کروا رہے تھے، جو لوگ زندگی میں کبھی باہر نہیں گئے ان کے نام کی اربوں روپے کی ٹی ٹی لگی۔
انہوں نے کہا کہ عمران خان نے آکر اس نظام کا خاتمہ کیا، شہباز شریف کا مقدمہ لائیو ٹیلی کاسٹ ہونا چاہیے، ہم چاہتے ہیں لوگ دیکھیں کیس ہے کیا، سندھ حکومت کراچی کو وسائل میں حصہ نہیں دے رہی۔
چوہدری فواد حسین نے کہا کہ عوام کو معلوم تو ہو کہ کس طرح شہبازشریف نے ملک کو لوٹا، شریف فیملی نے سابق چیف جسٹس سجاد علی شاہ کے خلاف سازش کی،نواز شریف کے سامنے رانا شمیم کا حلف نامہ لکھا گیا۔
Advertisement
وفاقی وزیر اطلاعات چوہدری فواد حسین کا مزید کہنا تھا کہ یہ سارے مقدمات لائیو دکھانے چاہئیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
