فون چارج نہ ہونے کی بہت سی جوہات ہوسکتی ہیں جیسے کہ چارجنگ پورٹس پر زنگ لگ جانا یا پھر کیبل خراب ہوجانا مگر اچھی بات یہ ہے کہ اس کا حل بہت سادہ ہے۔

چارجنگ پورٹ میں ایک مسئلہ بہت عام ہوتا ہے ،اب چاہے وہ آئی فون کی لائٹننگ پورٹ ہو ،اینڈرائیڈ کی یا پھر یو ایس بی سی پورٹ ۔

فون کی چارجنگ پورٹ پر کوئی کور نہیں ہوتا جس کے نتیجے میں وہاں مٹی بھرنے سے وہ جگہ بلاک ہوجاتی ہے اور کیبل درست طریقے سے فٹ نہیں ہوتی جس کی وجہ سے چارجنگ کرنا ممکن نہیں ہوتا۔

اگر آپ کے پاس فون کو 6 ماہ سے زیادہ عرصہ ہوچکا ہے اور بتدریج چارجنگ میں مسائل سامنے آرہے ہیں تو اس کے پیچھے پورٹ میں موجود مٹی وجہ ہوسکتی ہے۔

اس کے لئے ٹوتھ پک ،لکڑی یا پلاسٹک کی کوئی چیز لیں تاکہ پورٹ کو کوئی نقصان نہ پہنچ سکے ،اپنے ٹول کو چارجنگ پور ٹ کے اندر ڈالیں اور آخر تک لے جائیں اور پھر نرمی سے کھرچنا شروع کریں۔

اس کے بعد سارہ کچرا بہت آسانی سے پورٹ سے نکال جائے گا جب کافی مقدار میں کچرا باہر آجائے تو پھر چارجنگ کیبل کو ایک بار پھر لگا کر دیکھیں کہ اب مسئلہ تو نہیں ہورہا ۔

اگر پھر بھی مسئلہ حل نہ ہو تو پھر کوئی حل جیسے نئی کیبل یا چارجر کو خریدنے کا فیصلہ کریں۔