خلا میں جانے کی خواہش ازل سے انسان کے ذہن میں ہے، تاہم چند سال قبل تک صرف حکومتوں کے خلائی اداروں سے وبستہ افراد ہی خلا کا سفر کرتے  تھے۔

کمرشل بنیادوں پر خلائی سفر کو عملی جامہ پہنانے کے لیے دنیا کے امیرترین افراد بھی میدان میں آگئے ہیں۔ ایمیزون کے مالک جیف بیزوز, ایلون مسک اور  دیگر افراد کمرشل بنیادوں پر گزشتہ سال خلا میں سفر کر چکے ہیں۔

تاہم بلیو اوریجن اور دیگر اداروں نے نے خلائی سیاحت کے خواہش مند افراد کے لیے ایک کمرشل خلائی اسٹیشن کا تصوراتی خاکہ پیش کردیا ہے۔

بلیو اوریجن کی جانب سے بنائے گئےخلائی ہوٹل بشمول ووگیئر خلائی اسٹیشن پر مصنوعی کشش ثقل پیدا کی جائے گی۔ اور 2030 تک بننے والے اس کمرشل خلائی اسٹیشن کا پہلا گاہک ناسا ہوسکتا ہے۔

خلائی سیاحت کے لیے بین الاقوامی خلائی اسٹیشن کے نزدیک کمرشل خلائی اسٹیشن بنانے کے لیے کچھ اداروں کی جانب سے بنیادی سرمایہ فراہم کردیا گیا ہے۔ جس میں بلیو اویجن کی جانب سے ’ اسپیس بزنس پارک ‘ کی تشکیل جاری ہے اور ممکنہ طور پر اسے 2027 تک جزوی طور پر آپریشنل کردیا جائے گا۔

خلائی ماہرین کا اس بابت کہنا ہے کہ بد قسمتی سے بین الاقوامی خلائی اسٹیشن کی عمر پوری ہوتی جارہی ہے، روس اور امریکا دونوں اس کی جگہ لینے کے لیے تگ و دو کر رہے ہیں۔

اس مقصد کے لیے ناسا انسانوں کو مدار میں لے جانے کی ذمے داری کے لیے نجی شعبے کی طرف دیکھ رہا ہے ۔

کمرشل خلائی مرکز کے لیے اس سے قبل بھی کئی تصورات پیش کیے جاچکے ہیں جس میں بلیو اویجن کی جانب سے اوربیٹل ریف کے نام سے ایک خلائی تجارتی پارک بنانے کا منصوبی بھی شامل ہے۔

2027 میں جزوی طور ہر فعال ہونے کے بعد اس خلائی تجارتی مرکز کو تجارتی، سرکاری، سیاحتی، تجرباتی یہاں تک کے فلمیں بنانے کے لیے بھی استعمال کیا جاسکے گا۔ جب کہ اس خلائی مرکز بیک وقت دس افراد کو رہائش فراہم کی جائے گی۔

جب کہ گردش کرنے والے ووگیئر اسٹیشن کو پیش کرنے والے ادارے آربیٹل اسمبلی کارپوریشن کے ذہن میں کمرشل خلائی مرکز کو سیاحت کے لیے استعمال کرنا ہے۔

ووگیئر خلائی اسٹیشن پر مصنوعی طریقے سے کشش ثقل پیدا کرتے ہوئے لگژری ہوٹل کے ساتھ ساتھ 400 افراد کو رہائش بھی فراہم کی جائے گی جب کہ حکومتوں اور سائنس دانوں کو خلائی تحقیق کے لیے ’ پوڈز‘ بھی فرہم کیے جائیں گے۔

واضح رہے کہ 12 اپریل 1961میں یوری گیگرین نے خلا کے لیے دنیا کی پہلی تہنا پرواز کی تھی جس کے بعد600 سے زائد افراد خلا میں جا چکے ہیں، جن میں 250 سے زائد افراد نے بین الاقوامی خلائی اسٹیشن کا وزٹ کیا ہے۔