گورنر سندھ کا انارکلی دھماکے میں قیمتی انسانی جانوں کے ضیاع پر دکھ و افسوس کا اظہار

ویب ڈیسک

20th Jan, 2022. 06:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

گورنر سندھ کا انارکلی دھماکے میں قیمتی انسانی جانوں کے ضیاع پر دکھ و افسوس کا اظہار
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

گورنر سندھ کا انارکلی دھماکے میں قیمتی انسانی جانوں کے ضیاع پر دکھ و افسوس کا اظہار

گورنر سندھ عمران اسماعیل نے انار کلی دھماکے میں قیمتی انسانی جانوں کے ضیاع پر دکھ و افسوس کا اظہار کیا ہے۔

عمران اسماعیل نے انار کلی بازار لاہور میں دھماکے کی شدید الفاظ میں مذمت کی ہے، ان کا کہنا تھا کہ قیمتی انسانی جانوں کے ضیاع پر دکھ و افسوس ہے۔

گورنر سندھ عمران اسماعیل نے شہداء کے لواحقین سے تعزیت اور ہمدردی کا اظہار کیا اور دھماکے میں شہید ہونے والوں کی درجات کی بلندی اور لواحقین کے لئے صبر جمیل کی دعا۔

واضح رہے کہ لاہور کے علاقے نیو انار کلی پان منڈی میں دھماکا ہوا ہے جس میں 3 افراد جاں بحق جبکہ 20 زخمی ہوگئے ہیں۔

لاہور کے علاقے نیو انار کلی بازار کی پان منڈی میں عین اس وقت دھماکا ہوا جب لوگوں کی بڑی تعداد وہاں موجود تھی۔

دھماکا اس قدر شدید تھا کہ اس سے 6 موٹر سائیکلیں اور اردگرد کی دکانیں تباہ جبکہ گاڑیوں میں بھی آگ گئی۔

دھماکے کے زخمیوں کو فوری طور پر قریبی اسپتال منتقل کردیا گیا۔

طبی عملے نے 3 افراد کے جاں بحق ہونے کی تصدیق کردی ہے جب کہ 20 زخمیوں کو طبی امداد فراہم کی جارہی ہے۔

سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے جب کہ پولیس کی خصوصی ٹیمیں شواہد اکٹھا کررہی ہیں۔

ڈی آئی جی آپریشنز کا کہنا ہے کہ ابتدائی شواہد سے ایسا لگتا ہے کہ دھماکے میں موٹرسائیکل استعمال کی گئی ہے۔