لاہور، صوبائی وزیر صنعت و تجارت میاں اسلم اقبال کا کہنا ہے کہ صحت کارڈ پی ٹی آئی حکومت کا انقلابی پروگرام ہے۔
تفصیلات کے مطابق صوبائی وزیر صنعت و تجارت میاں اسلم اقبال نے اپنے کیمپ آفس نیو مزنگ سمن آباد آمد لوگوں میں تقریباً ساڑھے 500 صحت کارڈ تقسیم کیے۔
اس موقع پر ان کا کہنا تھا کہ پنجاب حکومت کا ہیلتھ انشورنس پروگرام اپنی مثال آپ ہے۔ حکومت کے اس انقلابی پروگرام سے غریب گھرانوں کو جدید علاج کی سہولیات مفت مل رہی ہیں۔
صحت کارڈ کے ذریعے عوامی خدمت کو برسوں یاد رکھا جائے گا پی ٹی آئی حکومت نے ہیلتھ کارڈ کا اجراء کرکے دکھی انسانیت کی خدمت کی نئی تاریخ رقم کر دی۔
مارچ کے آخر تک صوبے کی 100فی صد آبادی کو ہیلتھ کارڈ کے ذریعے علاج کی سہولت مفت ملے گی۔
Advertisement
ان کا مزید کہنا تھا کہ پاکستان تحریک انصاف کی حکومت نے گزشتہ ساڑھے تین سالوں میں عوامی خدمت کے ریکارڈ قائم کئے اربوں روپے کے فلاحی پروگراموں سے لوگ مستفید ہو رہے ہیں۔
وسائل کا رخ عوام کو بنیادی سہولیات کی فراہمی کی جانب موڑ دیا ہے وزیر اعظم عمران خان کی قیادت میں عوامی خدمت کا سفر جاری رہے گا عوام سے کیا گیا ہر وعدہ پورا کر یں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
