قومی کرکٹ ٹیم کے کپتان بابر اعظم نے لیجنڈری گلوکارہ لتا منگیشکر کے انتقال پر تعزیت کا اظہار کیا ہے۔

بابر اعظم نے اتوار کے روز ٹوئٹر پر آنجہانی لتا منگیشکر کو ان کے انتقال کے بعد خراج عقیدت پیش کرتے ہوئے لکھا ، “ایک سنہری دور کا اختتام، ان کی جادوئی آواز اور میراث دنیا بھر کے لاکھوں لوگوں کے دلوں میں زندہ رہے گی۔ ایک بے مثال آئیکن”۔

End of a golden era. Her magical voice and legacy will continue to live in the hearts of millions worldwide. An unparalleled icon!

RIP Smt. Lata Mangeshkar Ji. pic.twitter.com/sOmhJtPT1I

Advertisement

— Babar Azam (@babarazam258) February 6, 2022

اس سے قبل سابق بھارتی کرکٹ کپتان ویرات کوہلی نے بھی مشہور گلوکارہ کے انتقال پر اظہارِ تعزیت کیا تھا۔

انہوں نے لکھا، “لتا جی کے انتقال کے بارے میں سن کر بہت دکھ ہوا۔ ان کے سریلی گانوں نے دنیا بھر میں لاکھوں لوگوں کو چھو لیا۔ تمام موسیقی اور یادوں کے لیے آپ کا شکریہ۔”

https://twitter.com/imVkohli/status/1490184538152050689?s=20&t=6ZhtI84vXaX2PVgbGdyc8g

روہت شرما کی زیرِ قیادت بھارتی کرکٹ ٹیم کے کھلاڑیوں نے احمد آباد میں ویسٹ انڈیز کے خلاف پہلے ون ڈے میں بھی منگیشکر کو خراج عقیدت پیش کرنے کے لیے بازو پر سیاہ پٹیاں باندھی تھیں۔

#TeamIndia members observe a minute silence before start of play to pay their respects to Bharat Ratna Sushri Lata Mangeshkar ji.#RIPLataJi pic.twitter.com/YfP02zyiuA

— BCCI (@BCCI) February 6, 2022

بھارتی کرکٹ بورڈ کی جانب سے کئے گئے ٹوئٹ میں لکھا گیا کہ “ہندوستانی کرکٹ ٹیم نے آج بھارت رتن محترمہ لتا منگیشکر جی کو خراج عقیدت پیش کرنے کے لیے بازو پر سیاہ پٹیاں باندھ رکھی ہیں، جو اتوار کی صبح اپنے آخری سفر کے لیے روانہ ہوئیں۔ راگ کی رانی، لتا دیدی نے کرکٹ سے محبت کی، ہمیشہ کھیل اور ٹیم انڈیا کی حمایت کی۔”

Advertisement

The Indian Cricket Team is wearing black armbands today to pay their respects to Bharat Ratna Lata Mangeshkar ji who left for her heavenly abode on Sunday morning. The queen of melody, Lata didi loved cricket, always supported the game and backed Team India. pic.twitter.com/NRTyeKZUDc

— BCCI (@BCCI) February 6, 2022

لتا منگیشکر کو ہلکی کورونا وائرس کی معمولی علامات کے ساتھ 8 جنوری کو بریچ کینڈی ہسپتال کے انتہائی نگہداشت یونٹ (ICU)  میں داخل کیا گیا تھا، جہاں ڈاکٹر پریت صمدانی اور ان کی ڈاکٹروں کی ٹیم ان کا علاج کر رہی تھی۔

لتا کے معالج ڈاکٹر پریت صمدانی نے اتوار کی صبح اطلاع دی تھی کہ مشہور گلوکارہ ممبئی کے بریچ کینڈی ہسپتال میں متعدد اعضاء کی ناکامی سے انتقال کر گئیں۔

لتا منگیشکر کے انتقال پر بھارت میں دو دن کے قومی سوگ کا اعلان کیا گیا ہے۔

لتا منگیشکر کی اتوار کی شام ممبئی میں سرکاری اعزاز آخری رسومات ادا کردی گئی ہیں۔ اس دوران ملکی پرچم بھی سرنگوں رہا۔

ان کی آخری رسومات میں وزیراعظم نریندر مودی، اعلیٰ حکومتی شخصیات سمیت بولی وڈ انڈسٹری کی چھوٹی بڑی تمام ہستیوں نے شرکت کی۔