صوبائی وزیر ماحولیات محمد اسماعیل راہو کا کہنا ہے کہ عمرانی دورمیں سندھ کے ساتھ ناانصافیوں کی نئی سیاہ تاریخ رقم کی گئی ہے۔

اپنے جاری کردہ بیان میں صوبائی وزیر ماحولیات محمد اسماعیل راہو نے کہا کہ وفاقی ترقیاتی اسکیموں میں سندھ ایک بار پھر نظر اندازکردیا گیا ہے۔

 اسماعیل راھو نے کہا کہ سب سے زیادہ آمدنی دینے والے صوبےکوترقیاتی اسکیموں سے محروم رکھا گیا ہے، عمران حکومت بتائے کہ سندھ کو پنجاب اور کے پی کے سے ترقیاتی اسکیمیں کم کیوں دی گئی ہیں؟

اسماعیل راہو کا کہنا تھا کہ پنجاب کو 24 ارب 33 کروڑ 80 لاکھ روپے، کے پی کے کو 13 ارب 18 کروڑ جبکہ سندھ کو سب سےکم رقم 5 ارب 70کروڑروپے جاری کیے گئے ہیں۔

  وزیرماحولیات سندھ نے کہا کہ عمران حکومت سندھ کے خلاف سازشیں بند کرے، سلیکٹڈ حکومت نے سندھ کو گیس، پانی، بجلی،   اور ترقیاتی اسکیموں سےبھی محرو م رکھا ہوا ہے۔

 اسماعیل راہو نے کہا کہ نیازی صاحب ریاست مدینہ انصاف سے چلتی ہے انصاف کے قتل سے نہیں، پی ٹی آئی، جی ڈی اے اور ایم کیو ایم بتادیں کے سندھ کی ترقیاتی اسکیمیں کہاں ہیں۔

  اسماعیل راہو نے کہا کہ عمران حکومت میں سندھ کو نا ترقیاتی منصوبے ملے ہیں اورناہی کوئی اسکیمیں ملی ہیں، ترقیاتی اسکیموں کی رقم سلیکٹڈ نے سندھ حکومت کو دینے کے بجائے وفاقی اداروں کو دی ہیں۔

اسماعیل راہو نے کہا کہ عمران حکومت بتائے سب سے زیادہ روینیو دینے والے صوبے سندھ کے ساتھ نارواسلوک کیوں کیا جارہا ہے؟ عمران حکومت ترقیاتی فنڈز کو منصفانہ طریقےسے تقسیم کرے۔

انہوں نے مزید کہا کہ  نیشنل ہائی وے اتھارٹی نےسندھ کوکم اور پنجاب، کے پی کو سب سے زیادہ ھائی ویز اور موٹرویز دے ہیں ، دیگر صوبوں کی طرح سندھ کو بھی اپناحصہ دیا جائے۔