ماسکو:روس میں ایک عمارت میں آتشزدگی کے دوران دو افراد نے اپنی جان کو خطرے میں ڈال کر ایک لڑکی کو کھڑکی کے ذریعے بچالیا، جس کی ویڈیوسوشل میڈیا پروائرل ہوگئی۔

 میڈیا کے مطابق روس کے دارلحکومت ماسکو کی بلندوبالا عمارت میں آگ لگنے کا واقعہ پیش آیا جہاں نویں منزل پر اچانک آگ بھڑک اٹھی اور جس نے پورے فلور کو اپنی لپیٹ میں لے لیا۔

اس عمارت کی کھڑکی سے گہرے سیاہ بادل نکلتے دکھائی دے رہے ہیں۔ اس دوران ایک لڑکی جان بچانے کے لئے کھڑکی کا رخ کرتی ہے۔

نچلی منزل میں بھی دو افراد کھڑکی میں موجود ہوتے ہیں اور لڑکی جان بچانے کی کوشش کرتے ہیں دونوں افراد کھڑکی سے لٹک کر اپنی جان خطرے میں ڈال کرلرخی کو بچانے کی کوشش کرتے ہیں اور اس میں کامیاب بھی ہوجاتے ہیں۔

Two guys saved a girl from fire from HumansBeingBros

اس سارے عمل کی ویڈیوبنالی گئی اور پھر اسے سوشل میڈیا شیئرکر دیا گیا جہاں یہ دیکھتے ہی دیکھتے وائرل ہو گئی۔ جہاں لوگوں کی جانب سے  ان دونوں افراد کی ذہانت اور کوشش کو سراہا جارہا ہے۔

حکام کا کہنا ہے کہ بلڈنگ میں لگی آگ پر فوری قابو پالیا گیا تاہم اس دوران 3 افراد زخمی بھی ہوئے جن میں لڑکی کی جان بچانے والے افراد بھی شامل ہیں۔

اس ویڈیو کے دیکھنے والوں نے دونوں افراد کی تعریف جنہوں نے اپنی جان کی پروا کئے بغیر لڑکی جان بچائی اور مقامی حکام کی جانب سے بھی ان کا شکریہ ادا کیا گیا۔