اسد عمر نے کہا ہے کہ جو عدم اعتماد لیکر آرہے ہیں ان کو آپنے پر اعتماد نہیں۔

وفاقی وزیر برائے منصوبہ بندی اسد عمر نے ملتان میں میڈیا سے گفتگو کرتے ہوئے کہا کہ کسی سے پیسے کیا نکلیں گے انکے اپنے چپڑاسیوں سے پیسے نکل رہے ہیں ، مولانا کی بات کیا کرہے ہیں وہ تو اپنے گھر کی دو سیٹیں ہار چکے ہیں۔ یہ وہ بڑے بڑے چور ڈاکو ہیں جن کے لیے چھٹی کے دن عدالتیں کھل جاتی ہیں۔

 اسد عمر نے کہا کہ جنوبی پنجاب صوبے بنانے کے لیے باتیں تمام جماعتوں نے کی لیکن عملی کام تحریک انصاف نے کیا ، اب بلدیاتی الیکشن ڈی آئی خان میں ہورہے ہیں مولانا اس پر توجہ دیں۔

وفاقی وزیر نے کہا کہ ہر پاکستانی چاہتا ہے کہ اس کے ساتھ انصاف ہو۔ پاکستان کی خارجہ پالیسی ہمیشہ کامیاب رہی ہے ، پاکستان نے دو مور کی گردان کو توڑا ، ہمیں فخر ہے کے وزیر خارجہ شاہ محمود قریشی صاحب ہمارے فارن منسٹر ہیں۔

انہوں نے کہا کہ جو عدم اعتماد لیکر آرہے ہیں ان کو آپنے پر اعتماد نہیں۔عمران خان نے خودار پاکستان بنایا، چین کے ساتھ ہماری دوستی ہے۔

وفاقی وزیر برائے منصوبہ بندی اسد عمر کا مزید کہنا تھا کہ پی ڈی ایم کی سیاسی زندگی مشکل ہوتی جارہی ہے، اتنی تاریخ تو سول عدالتیں نہی دیتی جتنی تاریخیں پی ڈی ایم والے دے رہے ہیں۔