کراچی کے لئے نئی بسیں چند دنوں میں چائنا سے کراچی پہنچ جائیں گی،مرتضیٰ وہاب

ویب ڈیسک

16th Feb, 2022. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی کے لئے نئی بسیں چند دنوں میں چائنا سے کراچی پہنچ جائیں گی،مرتضیٰ وہاب
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

کراچی کے لئے نئی بسیں چند دنوں میں چائنا سے کراچی پہنچ جائیں گی،مرتضیٰ وہاب

مرتضیٰ وہاب نے کہا ہے کہ کراچی کے لئے نئی بسیں چند دنوں میں چائنا سے کراچی پہنچ جائیں گی۔

سندھ حکومت کے ترجمان و مشیر قانون سندھ بیرسٹر مرتضیٰ وہاب نے اپنے ایک بیان میں کہا کہ کراچی کے مطالعاتی دورے پر آئے ہوئے ملک بھر کے افسران کو خوش آمدید کہتے ہیں، کراچی کے انفراسٹرکچر، پارکوں، شاہراہوں کو بہتر کرنے کی بھرپور کوشش کررہے ہیں۔

سندھ حکومت کے ترجمان کا کہنا تھا کہ ماضی میں اختیارات اور فنڈز نہ ہونے کا بہانہ بنا کر شہر کو کھنڈرات میں تبدیل کر دیا گیا، بات اختیارات کی نہیں نیت کی ہوتی ہے، اپنے شہر سے لگن ہو تو اس کی ترقی کے لئے سوچا جاتا ہے۔

انہوں نے کہا کہ ماضی میں کے ایم سی نے اپنے ریونیو میں اضافہ نہیں کیا جس کے باعث ترقیاتی کام متاثر ہوئے، ترقیاتی کاموں کے لیے ٹینڈر کا عمل انتہائی طویل ہے جس کے باعث کام تاخیر کا شکار ہوتے ہیں۔

مرتضیٰ وہاب نے یہ بھی کہا کہ کراچی آج بھی غریب پرور شہر ہے اور اس شہر میں پوٹینشل موجود ہے، کراچی کے لیے نئی بسیں چند دنوں میں چائنا سے کراچی پہنچ جائیں گی۔

سندھ حکومت کے ترجمان و مشیر قانون سندھ بیرسٹر مرتضیٰ وہاب کا مزید کہنا تھا کہ پبلک ٹرانسپورٹ کے مسائل کے حل کے لئے بھی حکومت سندھ اقدامات کررہی ہے۔