کنوینیر ایم کیو ایم پاکستان خالد مقبول صدیقی نے اسٹریٹ کرائمز کی بڑھتی ہوئی وارداتوں کا ذمے دار سندھ حکومت کو ٹھرادیا۔

میڈیا سے گفتگو  کرتے ہوئے خالد مقبول صدیقی کا کہنا تھا کہ سندھ کے شہری علاقے بالخصوص کراچی کے حالات 12 سال قبل جیسے ہوگئے۔ شہر میں ایک بار پھر گینگ وار، اور اغوا برائے تاوان کی واردات شہروع ہوگئی ہے۔

خالد مقبول صدیقی نے کہا کہ گھروں میں ڈکیتیوں کے دوران بچیوں کی آبرو ریزی کی جارہی ہے جبکہ کراچی کے معصوم شہریوں کو ٹارگٹ کیا جارہا ہے۔

انہوں نے یہ بھی کہا کہ ہمارے حالات آئی سی یو والے ہیں، کراچی سے لانگ مارچ شروع کیا جارہا ہے۔ پی ٹی آئی کے وفد سے ان تمام معاملات پر بات ہوئی جو اتحاد سے پہلے طے ہوا تھا سندھ کے حقوق کیلئے ایم کیوایم پاکستان عملی جدوجہد کررہی ہے۔

کنوینیر ایم کیو ایم پاکستان خالد مقبول صدیقی کا مزید کہنا تھا کہ پیپلزپارٹی کراچی سے ایم کیوایم پاکستان کے پرچم اتارکر اپنے پرچم لگارہی ئے کارکنوں کو کہہ دیا ہے کہ وہ اپنے جھنڈے دوبارہ لگا دیں۔

یاد رہے کہ کراچی میں بڑھتے اسٹریٹ کرائمز کے خلاف ایم کیو ایم پاکستان کی جانب سے مزار قائد سے آئی جی پولیس آفس تک ریلی نکالی گئی۔ ریلی ٹاور پہنچی تو پولیس نے ایم کیو ایم کارکنان کو وہی  پر روک دیا اور آئی آئی چندریگر جانے والا راستہ رکاوٹیں کھڑی کرکے بند کردیا۔

پولیس ہیڈ آفس جانے والے راستے پر پولیس کی بھاری نفری تعینات کی گئی جبکہ ایم کیو ایم رہنماون نے پولیس ہیڈ آفس میں آئی جی سندھ سے ملاقات کر کے یادداشت پیش کی۔