وزیر صحت و خزانہ تیمور سلیم جھگڑا کا کہنا ہے کہ عوام کا پیسہ عوام کی فلاح پر خرچ ہونا چائیے۔

تفصیلات کے مطابق   وزیر صحت تیمور جھگڑا نے پشاور میں واقع چار ہسپتالوں کا اچانک دورہ کیا، مولوی جی ہسپتال میں او پی ڈی کیلئے لگائے گئے خودکار ٹوکن سسٹم پر انتظامیہ کی تعریف کی۔

  وزیر صحت مریضوں اور ان کے تیمارداروں سے ملے، ہسپتال بارے ان کی رائے جانی اور صفوت غیور چلڈرن ہسپتال کے نکاسی آب کے مسلے کے فوری حل کیلئے ہدایات بھی جاری کیں۔

اسکے علاوہ وہ ہشتنگری میں واقع میٹرنٹی ہسپتال بھی گئے اور  ہسپتال میں درکار ضروری سہولیات کی دستیابی کے احکامات بھی جاری کیے۔

اس موقع پر تیمور سلیم جھگڑا نے کہا کہ اسپتال انتظامیہ کو اگر معاشی خودمختاری دی جائے تو وہ بہت کچھ کرسکتے ہیں۔

وزیر صحت و خزانہ نے کہا کہ عوام کا پیسہ عوام کے فلاح پر خرچ ہونا چائیے، ہسپتالوں کو باختیار بناکر ہی انتظامیہ سے کام لیا جاسکتا ہے۔

انہوں نے مزید کہا کہ ہسپتالوں کی حالت بہتر ہوگی تو عوام کو ریلیف ملے گا۔