آسٹریلین نیشنل سلیکٹرز نے فرسٹ کلاس سیزن کے ٹاپ فاسٹ بالر مارک اسٹیکٹی پر دورہ پاکستان کے لئے بالآخر اعتماد کا اظہار کر ہی دیا۔

نیشنل سلیکٹرز نے دورہ پاکستان کے لئے فاسٹ بالر مارک اسٹیکٹی کو ریزرو کھلاڑی کے طور پر منتخب کیا ہے، یہ دورہ اگلے ماہ ہو گا۔

شیفلڈ شیلڈ کے رواں سیزن میں اپنی بہترین بالنگ کا مظاہرہ کرنے والے مارک اسٹیکٹی کے حوالے سے آسٹریلین کرکٹ کو مستقبل میں کافی توقعات وابستہ ہیں۔

رواں فرسٹ کلاس سیزن میں مارک اسٹیکٹی نے نیو ساؤتھ ویلز کی بیٹنگ لائن کو تہس نہس کرتے ہوئے 8 کھلاڑیوں کو میدان بدر کیا تھا، قومی اسکواڈ میں جگہ بنانے کے لئے ان کا مقابلہ مائیکل نیسیر سے ہے۔

مارک تھامس اسٹیکٹی 17 جنوری 1994 کو کوئنز لینڈ میں پیدا ہوئے ، دائیں ہاتھ سے فاسٹ میڈیم بالنگ کرتے ہیں، وہ آسٹریلیا کی انڈر 19 ٹیم کا بھی حصہ رہ چکے ہیں۔

مارک اسٹیکٹی کوئینز لینڈ کی جانب سے فرسٹ کلاس کرکٹ کھیلتے ہیں جبکہ بگ بیش لیگ میں وہ برسبین کی نمائندگی کرتے ہیں۔

قومی ٹیم کے ریزرو کھلاڑی میں شامل ہونے والے 28 سالہ اسٹیکٹی شیفلڈ شیلڈ کے رواں سیزن میں 16.31 کی اوسط سے 29 وکٹیں اپنے نام کی ہیں ۔

بدقسمتی سے اسٹیکٹی دورہ پاکستان سے قبل بھی دو مرتبہ بیگی کیپ حاصل کرنے میں ناکام ہو چکے ہیں ، انہیں پہلا موقع گزشتہ سال جنوبی افریقہ میں بھی ٹیم اسکواڈ کے ساتھ شمولیت کا موقع ملا تھا۔

جبکہ حالیہ ایشز سیریز کے دوران سیریز کے دوسرے میچ میں انہیں ملکی اسکواڈ میں شامل کیا گیا تھا ، مگر ٹیم مینجمنٹ نے انہیں میدان میں اتارنے کو رسک نہیں لیا۔

مارک اسٹیکٹی دورہ پاکستان شمولیت پر کافی خوش ہیں اور امید کر رہے ہیں کہ اس ٹور میں انہیں بیگی کیپ مل سکتی ہے۔