حیدرآباد میں نکاسی آب کے بڑھتے مسائل کے باعث واسا اور بلدیاتی ادارے آمنے سامنے آگئے۔

تفصیلات کے مطابق میونسپل کارپوریشن کی جانب سے واسا کے نکاسی آب کی نشاندہی کے بعد جوابی وار کیا۔

ڈائریکٹر ہیلتھ بلدیہ نے شہری علاقوں میں واسا کی ناقص کارکردگی کی نشاندہی کی تھی۔

ذرائع کے مطابق شہری علاقوں اور بازاروں میں گندہ پانی کھڑا ہونے سے عوامی شکایات پر واسا کو نشاندہی کی گئی تھی۔

مینیجنگ ڈائریکٹر واسا نے میونسپل کارپوریشن کو نالیاں اور نالے سے کچرا نکالنے کی نشاندہی کردی، 78 مقامات پر نالوں کی صفائی اور نالیوں پر جالیاں لگانے کا مطالبہ کیا۔

واسا کے لیٹر کے مطابق میونسپل کارپوریشن کی زیر نگرانی نالیوں اور نالوں سے کچرا گٹروں میں آرہا ہے، کچرا گٹروں میں گرنے سے لائنیں بند ہورہی ہیں جو نکاسی آب کے مسائل کا سبب ہیں۔

واسا کا کہنا ہے کہ گٹر بند ہونے کی وجہ سے واسا کو صفائی کے لئے لاکھوں روپے کے اخراجات برداشت کرنے پڑتے ہیں، فوری طور پر مسائل پیدا کرنے والے علاقوں میں صفائی کا عمل مکمل کروایا جائے۔

اس ضمن میں واسا کے ایم ڈی زاہد حسین کھمٹیو نے کہا کہ واسا کی مین سیوریج لائنوں میں مسائل کا سبب کچرا ہے جو نالیوں پر جالی نہ ہونے کی وجہ سے گٹروں میں گرتا ہے۔

زاہد کھمٹیو نے مزید کہا کہ میونسپل کارپوریشن کی وجہ سے نکاسی آب کے بڑھتے مسائل پر تمام علاقوں کی نشاندہی کردی ہے۔