ادویہ ساز ادارے فائرز نے ایف ڈی اے سے 6 ماہ سے 5 سال تک کے بچوں کے لیے کورونا ویکسی نیشن کی منظوری طلب کر لی۔

برطانوی خبر رساں ادارے کے مطابق فائزر اور اس کی شراکت دار کمپنی بایو این ٹیک نے امریکا کی فوڈ اینڈ ڈرگ ایڈمنسٹریشن میں 6 ماہ سے 5 سال تک بچوں میں کووڈ 19 سے تحفظ کی ویکیسی نیشن کی اجازت طلب کرنے کے لیے ڈیٹا جمع کرادیا ہے۔

اگر ایف ڈی اے کی جانب سے فائزر کو شیر خوار بچوں کی ویکسی نیشن کی اجازت مل جاتی ہے تو پھر امریکا کورونا ویکسین لگوانے کے اہل سب سے کم عمر افراد والا پہلا ملک بن جائے گا۔

 یہ  بھی پڑھیں : کورونا ویکسین بوسٹر کے بجائے سالانہ لگوانا زیادہ بہتر ہے، فائزر

اس حوالے سے ایف ڈی اے کے شعبہ برائے ویکیسن کی مشاورتی کمیٹی کے رکن ڈاکٹر کوڈی میسنر کا کہنا ہے کہ میں نہیں سمجھتا کہ بچوں کو کورونا سے تحفظ کی ویکیسین لگوانی چاہیے کیو ں کہ امریکی مرکز برائے بیماریوں سے بچاؤ و تحفظ ( سی ڈی سی ) کے اعداد و شمار سے ظاہر ہوتا ہے کہ بجوں میں کورونا کی علامات اور اس سے ہونے والی اموات کی شرح نہ ہونے کے برابر ہے۔

 یہ بھی پڑھیں : فائزر نے اومیکرون کے لیے خصوصی ویکسین کی جانچ شروع کردی

فائزر کی جانب سے جاری اعلامیے کے مطابق ریگولیٹری ایجنسی نے ان سے اس بارے میں درخواست جلد از جلد جمع کروانے کی ہدایت کی درخواست کی تھی۔

ماہرین صحت کے مطابق ریگولیٹرز کی جانب سے ویکیسی نیشن کے دائرہ کار کو بچوں تک پھیلانا ایک متنازعہ اقدام ہے۔ منظوری ملنے کی صورت میں امریکا 5 سال سے کم عمر بچوں کے لیے فائزر کی ویکسین منظور کرنے والی پہلی قوم بن جائے گی۔

فائزر کی جانے سے جمع کرائے گئے ڈیٹا میں شیر خوار بچوں کےلیے تین مائیکروگرام کی دو خوراک کی تجویز دی گئی ہے جب کہ بارہ سال اور اس سے بڑے بچوں کے لیے 30 مائیکروگرام اور 5 سے 11 سال کی عمر کے لیے 10 مائیکروگرام کی خوراک تجویز کی جائے گی۔

گزشتہ سال دسمبر میں کلینیکل ٹرائلز کے نتائج کی روشنی میں نوجوان بچوں میں تیسری خوراک بھی شامل کی گئی تھی ۔

فائزر کی جانب سے جمع کرائی گئی ابتدائی خوراک میں پہلی دو خوراک شامل ہیں اور توقع ہے کہ کمپنی تیسری خوراک کے لیے درخواست بعد میں جمع کرائے گی۔

فائزر کے چیف ایگزیکٹو البرٹ بورلا کا اس بارے میں کہنا ہے کہ ’ ہمیں یقین ہے کہ کورونا کے موجودہ اور ممکنہ طور پر مستقبل میں سامنے آنے والے ویریئنٹ سے تحفظ کے لیے 6 ماہ سے 4 سال تک کی عمر تک کے بچوں کو ویکیسین کی ضرورت پیش آئے گی۔‘