شاہ محمود قریشی کا کہنا ہےکہ بلاول بھٹوکوبتاؤں گا میں کون ہوں۔

وزیرخارجہ شاہ محمود قریشی نے رتوڈیرو میں تحریک انصاف کے حقوقِ سندھ مارچ میں خطاب کرتے ہوئے کہاکہ میرے خاندان کاتعلق شاہنواز بھٹو، ذوالفقار بھٹو کے ساتھ تھا،آصف زرداری کیاجانیں اصلی بھٹو اورنقلی بھٹوکیا ہے۔

وزیرخارجہ نے اس موقع پر پیشگوئی کر دی کہ 2023 میں سندھ میں پی ٹی آئی کی حکومت ہوگی۔

تحریک انصاف کا حقوق سندھ مارچ

وفاقی وزیر اسد عمر اور صدر سندھ پی ٹی آئی علی زیدی مارچ کے دوران قادرپور رورل ہیلتھ سینٹرپررک گئے، جہاں رہنماؤں نے ہیلتھ سینٹرکی خراب صورتحال پر اظہار افسوس کیا۔

اس موقع پرعلی زیدی نے پیپلز پارٹی کے چئیرمین بلاول بھٹو کا نام لئے بغیر کڑی تنقید کی۔

میڈیا سے گفتگو کرتے ہوئے انہوں نے کہاکہ لوگ اپنے پالتو جانوروں کا ایسی جگہ علاج نہ کرائیں، یہ سمجھتا ہے سندھی قوم کے پاکستانی بھائی یہاں علاج کرائیں،اسی وجہ سے صحت کارڈ نہیں دیتا۔

وفاقی وزیرعلی زیدی نے مزید کہاکہ ساٹھ لاکھ بچہ سندھ میں اسکول سے باہر ہے۔

انہوں نے کہاکہ ان لوگوں نے باریاں لگاکرخوب مال بنایا، کیا سندھ سےایڈزکوختم کرایا؟ اسلام آباد کیا لینے جا رہے ہیں؟ بےبی زرداری ابوکا لوٹا مال بچا رہا ہے، زرداری کی محترمہ سےشادی ہوئی توقسمت کھل گئی۔

 وفاقی وزیر نے کہاکہ اپوزیشن ساڑھے 3 سال سےحکومت گرانےکی ناکام کوشش کررہی ہے،آصف زرداری سینمامیں چوری کےٹکٹ بیچتےتھے۔

علی زیدی نے کہاکہ کیا سندھ میں تعلیمی ادارےٹھیک ہوگئے؟،2023 میں پی پی سندھ سے ایک سیٹ بھی نہیں جیتےگی،عوام کوزرداری مافیا کے خلاف بغاوت کرنی ہوگی، تیرکوتوڑیں گے، سندھ کوجوڑیں گے۔

پی ٹی آئی رہنما نے مزید کہاکہ لیاری میں ہمارےچیتےنےبلاول بھٹوکوشکست دی۔