اسلامو فوبیا کی بدترین قسم بھارت میں نظر آرہی ہے، نوم چومسکی

ویب ڈیسک

13th Feb, 2022. 12:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلامو فوبیا کی بدترین قسم بھارت میں نظر آرہی ہے، نوم چومسکی

معروف امریکی مفکر و نقاد پروفیسر نوم چومسکی نے کہاہے کہ اسلامو فوبیا کی بدترین قسم بھارت میں نظر آرہی ہے، جہاں مودی حکومت منظم طریقے سے بھارت کی سیکولر جمہوریت کا خاتمہ کر رہی ہے۔

ان خیالات کا اظہار انہوں نے امریکی کانگریس کی بریفنگ کے لیے ریکارڈ شدہ پیغام کی صورت میں دیا۔

انڈین امریکن مسلم کونسل اور 16 دیگر معروف تنظیموں نے 9 فروری کو کانگریس کی بریفنگ کا انعقاد کیا جس میں وزیراعظم نریندر مودی کے دور حکومت میں بھارتی مسلمانوں کے ساتھ سلوک کومہلک، خوفناک اور جمہوری اقدار کے منافی قرار دیا گیا۔

اس حوالےسے نوم چومسکی کا کہنا تھا کہ اسلامو فوبیا بھارت میں سب سے مہلک شکل اختیار کر رہا ہے جہاں مودی حکومت منظم طریقے سے بھارت کی سیکولر جمہوریت کو ختم کر رہی ہے اور ملک کو ایک نسل پرست ہندو ریاست میں تبدیل کر رہی ہے۔

ان کا مزید کہنا تھا کہ بھارت میں تقریباً 25 کروڑ مسلمان ایک مظلوم اقلیت بن کر رہ گئے ہیں۔ بھارت کے انتہا پسند رہنما ملک کو نفرت، خوف اور خونریزی کے ہولناک راستے پر گامزن کرنے کے لیے پہلے سے کہیں زیادہ پرعزم ہیں۔