پاکستان کے صوبہ پنجاب میں سائیکل ریلی کا انعقاد کیا گیا ہے۔

تفصیلات کے مطابق معاون خصوصی وزیراعلیٰ پنجاب حسان خاور کی ہدایت پر ٹی ڈی سی پی کی جانب سے آج خصوصی سائیکل ریلی کا انعقاد کیا جا رہا ہے۔

ترجمان حکومت پنجاب نے بتایا کہ وزیراعظم پاکستان عمران خان اور وزیراعلی پنجاب سردار عثمان بزدار کے ویژن کے مطابق مذہبی ہم آہنگی کے لیے ایونٹس کروائے جا رہے ہیں۔

حسان خاور نے کہا کہ سائیکل ریلی کا مقصد پنجاب میں مذہبی سیاحت کو فروغ دینا ہے، تقریب کا آغاز سیکرٹری ٹوارزم اسداللہ فیض صبح ساڑھے 10 بجے کریں گے۔

انہوں نے کہا کہ   سائیکل ریلی آشیانہ سائیکلنگ کلب کے اشراک سے کروائی جا رہی ہے، تقریبا 150 سائیکلسٹ اس ریلی کا حصہ بن رہے ہیں۔

 حسان خاور نے کہا کہ ریلی کے شرکا میں خواتین اور بچوں کی بھی بڑی تعداد شامل ہے جبکہ ریلی ضلع ناروال سے شروع ہو کر تقریبا اٹھارہ کلو میٹر کا ٹریک مکمل کرے گی۔

  معاون خصوصی نے کہا کہ اس طرح کے فیملی ایونٹس سے سیر و تفریح کے مواقع بھی بڑھتے ہیں، کہ اس ریلی کے لیے ٹی ڈی سی پی پاکستان رینجرز اور نارووال کی ضلعی انتظامیہ کی شکرگزار ہے۔

انہوں نے مزید کہا کہ محکمہ سیاحت وزیراعظم پاکستان اور وزیراعلیٰ پنجاب کی ہدایات پر عمل کرتے ہوئے سیاحت کی ترقی کے کیے کوشاں ہے۔