روسی صدر پوتن کا کہنا ہے کہ روس کے دفاع کے لیے یوکرائن پر حملہ کرنے کے علاوہ کوئی اور راستہ نہیں ہے۔

تفصیلات کے مطابق  کاروباری نمائندوں کے ساتھ ٹیلی ویژن پر ملاقات کے دوران روسی صدر پوتن کا کہنا تھا کہ ہمارے پاس حملہ کرنے  کا علاوہ کوئی دوسرا راستہ نہیں تھا۔

ان کا مزید کہنا تھا کہ ماسکو کے پاس روس کی سلامتی کو یقینی بنانے کے لیے یوکرائن پر حملہ کرنے کے علاوہ کوئی دوسرا راستہ بچا نہیں تھا جو کچھ ہو رہا تھا اس نے ہمارے پاس کوئی چارہ نہیں چھوڑا۔ روس عالمی معیشت کا حصہ رہنا چاہتا ہے اور اسے نقصان پہنچانے کا کوئی منصوبہ نہیں ہے۔

انھوں نے روس کے عالمی معیشت کا حصہ ہونے پر زور دیتے ہوئے کہا کہ ہم عالمی اقتصادی نظام کو نقصان نہیں پہنچانے والے ہیں جس کا ہم حصہ ہیں۔ ہم یہ بھی نہیں چاہتے کہ روس کو بین الاقوامی اقتصادی برادری سے خارج کیا جائے۔

اس ضمن میں ان کا مزید کہنا تھا کہ مجھے لگتا ہے کہ ہمارے شراکت داروں کو یہ سمجھنا چاہیے اور خود کو اس نظام سے باہر نکالنے کا کام نہیں کرنا چاہییے۔

واضح رہے، روس کے یوکرائن پر حملے کے بعد بعد اسے عالمی برادری بشمول مغربی ممالک کے جانب سے شدید تنقید کا نشانہ بنایا جارہا ہے۔ اس جنگ کے سبب پوتن کو ہٹلر سے تشبیہ دی جارہی ہے۔