بھارت اور ویسٹ انڈیز  کے درمیان جاری ون ڈے سیریز کے دوسرے میچ میں بھارت نے ویسٹ انڈیز کو 44 رنز سے شکست دے دی ہے۔

تفصیلات کے مطابق  بھارت کے شہر احمدآباد میں کھیلے گئے دوسرے میچ میں ویسٹ انڈیز نے ٹاس جیت کر پہلے بولنگ کا فیصلہ کیا۔

بھارت نے پہلے کھیلتے ہوئے مقررہ 50 اوورز میں 9 وکٹوں کے نقصان پر 237 رنز بنائے۔

بھارت کی جانب سے سوریا کمار یادو 64 رنز بنا کر نمایاں بیٹسمین رہے،کے ایل راہول 49،ڈیپک ہودا 29،واشنگٹن سندر 24 جبکہ کپتان روہیت شرما نے صرف 5 رنز بنائے۔

ویسٹ انڈیز کی جانب سے الزری جوزیف اور اسمتھ نے 2،2 وکٹیں حاصل کیں جبکہ  کیمر روچ،جیسن ہولڈر،اکیل حسین اور فابئین ایلن نے 1،1 وکٹ حاصل کی۔

ہدف کے تعاقب میں ویسٹ انڈیز کی ٹیم  193 رنز پر ڈھیر ہوگئی۔

ویسٹ انڈیز کی جانب سے بروکس 44 رنز بنا کر ٹاپ اسکورر رہے،اکیل حسین  34 ،،اسمتھ 24،شائی ہوپ 27،برینڈن کنگ 18 جبکہ کپتان نکولس پورن صرف 9 رنز بنا سکے۔

بھارت کی جانب سے پراسدھ کرشنا نے 4 شکار کیے،شردل ٹھاکر نے 2 وکٹیں حاصل کیں جبکہ محمد سراج،چاہل،سندر اور ڈیپک ہوڈا نے 1،1 وکٹ  حاصل کی۔

بھارت کو 3 میچز کی سیریز میں 0-2 کی برتری حاصل ہو گئی ہے۔