بھارتی ٹیم کی پیس بیٹری کے اہم رکن محمد شامی کو آئی پی ایل کے میگا ایڈیشن میں گجرات ٹائٹینز نے 6.25 کروڑ بھارتی روپے میں خرید لیا۔

محمد شامی کی پہلی بولی رائل چیلنجرز بنگلور نے لگائی ، گجرات ٹائٹینز نے آر سی بی کو ٹف ٹائم دیا ، اس دوران لکھنؤ جائنٹس نے بھی بولی میں حصہ لیا۔

لکھنؤ جائنٹس نے فاسٹ بالر کی خدمات حاصل کرنے کے لئے 4 کروڑ روپے کی بولی لگائی ، لیکن گجرات ٹائٹینز نے بالر کو حاصل کرنے کے لئے ایڑی چوٹی کا زور لگایا۔

آر سی بی نے شاید مہنگا سودا سمجھ کر بولی کے درمیان ہی ہاتھ کھینچ لئے، گجرات ٹائنٹینز نے بالآخر محمد شامی کو 6.25 کروڑ میں خرید لیا۔

واضح رہے کہ انڈین پریمئیر لیگ کے 15 ویں ایڈیشن کے لئے میگا آکشن کا آغاز ہو چکا ہے کو جو کل تک جاری رہے گا، آکشن سے قبل 590 ملکی و غیر ملکی کھلاڑی نیلامی کے لئے پیش کئے گئے تھے۔

میگا آکشن سے ایک دن قبل مزید 10 کھلاڑیوں کو شامل کیا گیا جس کے بعد کھلاڑیوں کی مجموعی تعداد 600 ہو گئی ہے۔

میگا آکشن میں ممبئی انڈینز ، چنئی سپر کنگز ، رائل چیلنجرز بنگلور ، سن رائزرس حیدرآباد ، راجھستان رائلز ، پنجاب کنگز ، کولکتہ نائٹ رائڈرز ، دہلی کیپیٹلز سمیت دو نئی ٹیمیں لکھنؤ سپر جائنٹس اور گجرات ٹائٹینز حصہ لے رہی ہیں۔