دھند میں کمی، موٹروے ایم 1 کھول دیا گیا

ویب ڈیسک

03rd Feb, 2022. 10:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دھند میں کمی، موٹروے ایم 1 کھول دیا گیا

دھند میں کمی کے باعث موٹروے ایم 1 کھول دیا گیا ہے۔

تفصیلات کے مطابق موٹروے ایم 1 صوابی ،چارسدہ ،رشکئی انٹرچینجز ہر قسم کے ٹریفک کے لیے کھول دیا گیا ہے۔

موٹر وے حکام کا کہنا ہے کہ دھند معمول کے مطابق ہے، اس لئے ٹریفک رواں دواں ہے۔

واضح رہے کہ اسموگ، فوگ یعنی دھند اوراسموگ یعنی دھویں سے ماخوذ ایک اصطلاح ہے، یہ ایک فضائی آلودگی ہے، جو انسان کی دیکھنے کی صلاحیت کو کم کردیتی ہے۔

ماہرین کے مطابق موسم گرما جانے کے ساتھ ہی جب دھند بنتی ہے تو یہ فضا میں پہلے سے موجود آلودگی کے ساتھ مل کر اسموگ بنا دیتی ہے۔

اس دھویں میں کاربن مونو آکسائیڈ، نائٹروجن آکسائیڈ، میتھین اور کاربن ڈائی آکسائیڈ جیسے زہریلے مواد شامل ہوتے ہیں۔

دسمبر1952ء میں لندن میں فضائی آلودگی کی لہر کو’گریٹ اسموگ‘ کے نام سے یاد کیا جاتا ہے، لندن میں آلودہ دھند کی وجہ سے12ہزار سے زائد افراد اپنی زندگی کی بازی ہار گئے تھے۔