انسانی اسٹیم سیل کو آواز کی مدد سے ہڈیوں میں بدلنے کا تجربہ- بول نیوز

انسانی اسٹیم سیل کو آواز کی مدد سے ہڈیوں میں بدلنے کا تجربہ

ویب ڈیسک

22nd Feb, 2022. 04:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسانی اسٹیم سیل کو آواز کی مدد سے ہڈیوں میں بدلنے کا تجربہ

سائنسدانوں نےاسٹیم سیل کو آواز کو صوتی امواج کی تھرتھراہٹ سے ہڈیوں کےبنیادی اجزا میں بدلنے کا تجربہ کیا ہے۔

ہم جانتے ہیں کہ انسانی جسم میں اسٹیم سیل یعنی خلیاتِ ساق بنیادی طور پر ہر قسم کے خلیات میں بدلنے کی شاندار صلاحیت رکھتے ہیں۔ اب اسٹیم سیل ٹشو انجینیئرنگ کی بدولت اس اہم کاوش کی سعی کی گئی ہے۔

آسٹریلیا کی مشہورآرایم ائی ٹی یونیورسٹی کے ماہرین نے یہ کردکھایا ہے کہ اگر اسٹیم سیل پر میگاہرٹز طولِ موج کی آواز کی لہریں ڈالی جائیں تو وہ قدرے تیزی اور مؤثر انداز میں ہڈیوں کے خلیات میں ڈھل سکتےہیں۔ دلچسپ بات یہ ہے کہ بدن کی چربی سے نکالے گئے اسٹیم سیل بھی ہڈیوں میں ڈھل جاتے ہیں کیونکہ انہیں اخذ کرنا قدرے آسان اور کم تکلیف دہ ہوتا ہے۔

یہ تجربات ڈاکٹر ایمی گیلمی اور ان کے ساتھیوں نے کئے ہیں۔ اس سے قبل اسٹیم سیلز کو ہڈی کے سیل میں بدلنے میں کئی روز لگ جاتے تھے لیکن یہ عمل اس سے بہت تیزرفتار ہے۔ پھر اس میں ہڈیوں کو پروان چڑھانے والی کوئی بھی دوا یا کیمیکل کی ضرورت نہیں ہوتی۔ اس سے ہڈیوں کی ٹشو انجینیئرنگ میں بہت مدد ملے گی۔

پروفیسر ایمی کے مطابق صوتی لہریں اسٹیم سیل پر دباؤ ڈالتے ہیں جس سے وہ ہڈیوں کے بنیادی اجزا میں تبدیل ہونے لگتے ہیں۔ اگرچہ یہ ابتدائی کاوش ہے لیکن اس اہم اور بنیادی کام کو کسی بھی طرح نظرانداز نہیں کیا جاسکتا۔