صوبائی وزیرٹرانسپورٹ اویس شاہ کا کہنا ہے کہ کیا پیٹرول کی قیمت بڑھنا اور روپیہ نیچے گرانہ ہی اس حکومت کا مینڈیٹ ہے ۔

صوبائی وزیرٹرانسپورٹ اویس شاہ نے پیٹرولیم مصنوعات کی قیمتوں میں اضافے پر شدید مذمت کرتے ہوئے کہا کہ پیٹرولیم مصنوعات کی قیمتوں میں اضافہ عوام پر خودکش حملے کے مترادف ہے۔

اویس قادر شاہ نے کہا کہ کیا پیٹرول کی قیمت بڑھنا اور روپیہ نیچے گرانہ ہی اس حکومت کا مینڈیٹ ہے ؟ 160 روپے تک پیٹرول اور پھر بجلی مزید مہنگی، گیس غائب یہ ہے اصل تبدیلی۔

 اویس قادر شاہ کا کہنا تھا کہ عوام پر جمع اور ضرب کا فارمولا نہ لگائیں، کرائے کے ترجمان بین القوامی مارکیٹ کے بجائے کچھ اپنی حکمت عملی بتائیں۔

صوبائی وزیرٹرانسپورٹ نے کہا کہ منی بجٹ کا سلسلہ رکتا نہیں اور یہ مہنگائی میں اضافے کا کوئی کام نہیں رکنے دیتے ہیں۔

انہوں نے مزید کہا کہ عوام پر رحم کھائیں ان سے زندہ رہنے کا حق نہ چھینے۔

واضح رہے کہ حکومت نے پیٹرول کی قیمت میں 12 روپے سے زائد اضافے کا اعلان کردیا ہے۔

وزارت خزانہ کی جانب سے جاری کردہ نوٹی فکیشن کے مطابق پیٹرول کی قیمت میں 12 روپے اور 3 پیسے اضافہ کیا گیا ہے جس کے بعد نئی قیمت 159 روپے اور86 پیسے فی لیٹر ہوگئی۔

وزارت خزانہ کے مطابق قیتموں کا اطلاق آج رات 12 بجے سے ہوگیا۔